చెన్నై టెస్టు నుంచి అండర్ సన్ ఔట్..

Posted: 12/15/2016 06:47 PM IST

టీమిండియా టెస్టు కెప్టెన్ విరాట్ కోహ్లీ.. తన సోంతగడ్డపై అడుతున్నాడని.. అంతేకానీ తమ దేశంలో జరిగిన టెస్టు సిరీస్ లో తన బంతులను ఎదుర్కునేందుకే అతడు జంకాడని నోటికొచ్చినట్లుగా పేలిన ఇంగ్లాండ్ టీమ్ సీనియర్ బౌలర్ జేమ్స్ అండర్ సన్ భారత్ తో జరగనున్న చివరి చెన్నై టెస్టుకు దూరం కానున్నాడు. అయితే అతని వ్యాఖ్యలను సిరీస్ గా తీసుకుని వేటు వేశారిన భావిస్తున్నారా..? కాదు.

అసలు వివరంలోకి వస్తే జేమ్స్ అండర్సన్ భుజం గాయం మరోసారి తిరగబెట్టడంతో అతనికి విశ్రాంతినివ్వక ఇంగ్లాండ్ జట్టు యాజమాన్యానికి తప్పలేదు. భారత్తో ఐదు టెస్టుల సిరీస్లో భాగంగా విశాఖలో జరిగిన రెండో టెస్టులో ద్వారా జట్టులోకి వచ్చిన అండర్సన్..మూడు, నాలుగు టెస్టులో పాల్గొన్నాడు. దీంతె ఇప్పటికే భారత్తో టెస్టు సిరీస్ కోల్పోయి సతమవుతున్న ఇంగ్లండ్ క్రికెట్ జట్టుకు మరో ఎదురుదెబ్బ తగిలింది.

అయితే అండర్సన్కు గాయం తిరగబెట్టిన నేపథ్యంలో అతనికి ఐదో టెస్టు నుంచి విశ్రాంతినిస్తున్నట్లు కెప్టెన్ అలెస్టర్ కుక్ తెలిపాడు. ఇప్పటికే మరో పేసర్ స్టువర్ట్ బ్రాడ్ కుడిపాదం గాయంతో మూడు, నాలుగు టెస్టులకు దూరమైన సంగతి తెలిసిందే. చెన్నైలో జరిగే చివరి టెస్టుకు బ్రాడ్ అందుబాటులోకి వచ్చే అవకాశాలు ఉన్నాయి. బ్రాడ్ ఫిట్గా ఉన్నట్లు కుక్ పేర్కొన్నాడు. ఈ టెస్టు సిరీస్లో ఇంగ్లండ్ 0-3 తేడాతో వెనుకబడింది.