ఆట ఆడిచూపించండి.. పిచ్ ల మీద ఏడవకండి: రవిశాస్త్రి

Posted: 11/30/2015 03:01 PM IST

టీమిండియా డైరెక్టర్ రవిశాస్త్రి ఇండియాలోని పిచ్ ల మీద చేస్తున్న వ్యాఖ్యలను ఖండించారు. భారత్, సౌతాఫ్రికా మధ్య జరిగిన టెస్ట్ సిరీస్ లో బారత్ క్లీన్ స్వీప్ చేసింది. అయితే నాగ్ పూర్ పిచ్ అస్సలు బాగోలేదని చాలా మంది తమ అభిప్రాయాన్ని వ్యక్తం చేశారు. అయితే పిచ్ ల గురించి ఏడవద్దని.. బ్యాట్ పట్టి గ్రౌండ్ లో ఆడి చూపించాలని రవిశాస్త్రి సలహులిచ్చారు. సౌతాఫ్రికాతో జరిగిన మ్యాచ్ లో చివరి మ్యాచ్ లో తక్కువ స్కోర్లకే టీమిండియా, సౌతాఫ్రికాలు వెనుదిరిగాయి. అయితే భారత బౌలర్ల అద్భుతమైన బౌలింగ్ తో సౌతాష్రికాకు చుక్కలు కనిపించాయి. దాంతో చివరి టెస్టులో టీమిండియా విజయం సునాయాసంగా సాధ్యమైంది.

అయితే టీమిండియా గెలుపు, సౌతాఫ్రికా ఓటమికి అక్కడి పిచ్ కారణమంటూ మహ్మద్ షమి కూడా అన్నారు. పిచ్ పరిస్థితి అస్సలు బాగేలేదని.. కాబట్టే తమ ఆటగాళ్లు మంచిగా ఆడలేకపోయారని అన్నారు. అయితే టీమిండియా డైరెక్టర్ రవిశాస్త్రి మాత్రం దీన్ని ఖండించారు. టీమిండియా ఆటగాళ్ల పర్ఫామెన్స్ కారణంగానే విజయం సాధ్యమైంది తప్పితే.. పిచ్ ప్రభావం ఎంత మాత్రం లేదని ఆయన వివరించారు. గతంలో కూడా ఇలాంటి మ్యాచ్ లు జరిగాయని.. కానీ అప్పుడు అందరూ పిచ్ ల గురించి కాకుండా ప్లేయర్స్ గురించే మాట్లాడారని గుర్తు చేశారు.