పైనల్స్ కు దూసుకెళ్లిన యువభారత్

Posted: 11/25/2015 11:29 AM IST

టీమీండియా యువ జట్టు, అండర్ 19 ముక్కోణపు సిరీస్ లో వరుస విజయాలతో దుమ్మురేపుతూ ముందుకు సాగుతోంది. అటు బంగ్లాదేశ్, ఇటు అష్ఘనిస్థాన్ యువ జట్లపై విజయాన్ని నమోదు చేసుకున్న భారత యువ జట్టు... అండర్-19 ముక్కోణపు సిరీస్‌లో ఫైనల్లోకి దూసుకెళ్లింది. సుందర్ వాషింగ్టన్ (75 బంతుల్లో 50; 6 ఫోర్లు; 2/25) ఆల్‌రౌండ్ ఆటతీరును ప్రదర్శించడంతో లీగ్ మ్యాచ్‌లో టీమిండియా 4 వికెట్ల తేడాతో బంగ్లాదేశ్‌పై ఘన విజయం సాధించింది.

టాస్ గెలిచి ముందుంగా బ్యాటింగ్ ఎంచుకున్న బంగ్లాదేశ్, గత మ్యాచ్ లో తప్పిదాలను మెరుగుపర్చుకుని టీమిండియాపై విజయానికి పన్నిన వ్యూహాలను యువభారత్ ఆటగాళ్లు చేధించారు. బంగ్లాదేశ్ చేసిన స్కోరును ఒకధశలో ఒత్తడికి గురై నాలుగు విక్కెట్లను చేజార్చుకున్న టీమిండియా.. కోలుకుని బాగా రాణించడంతో విజయాన్ని నమోదు చేసుకుంది. జాదవ్‌పూర్ యూనివర్సిటీ క్యాంపస్ మైదానంలో జరిగిన ఈ మ్యాచ్‌లో... బంగ్లాదేశ్ 50 ఓవర్లలో 7 వికెట్లకు 222 పరుగులు చేసింది. హసన్ మిరాజ్ (90 బంతుల్లో 87; 10 ఫోర్లు, 2 సిక్సర్లు) చెలరేగి ఆడాడు. సైఫ్ హసన్ (33), సైఫుద్దీన్ (30) ఓ మాదిరిగా ఆడారు.

ఆ తర్వాత భారత్ 48.4 ఓవర్లలో 6 వికెట్లకు 223 పరుగులు చేసి నెగ్గింది. రిషబ్ పంత్ (26 బంతుల్లో 51; 9 ఫోర్లు, 2 సిక్సర్లు) విజృంభించాడు. అమన్‌దీప్ (41), ఇషాన్ కిషన్ (24), విరాట్ సింగ్ (21) తలా కొన్ని పరుగులు జత చేశారు. పంత్, ఇషాన్‌లు 33 బంతుల్లోనే 67 పరుగులు జోడించి శుభారంభాన్నిచ్చారు. అయితే బంగ్లా బౌలర్ల ధాటికి ఓ దశలో భారత్ 116 పరుగులకు 4 వికెట్లు కోల్పోయి తడబడింది. ఈ దశలో సుందర్, అమన్‌దీప్ ఐదో వికెట్‌కు 69 పరుగులు జోడించి జట్టును గెలిపించారు.

జి. మనోహర్