ప్రపంచకప్ లో హ్యాట్రిక్ విజయంతో దూసుకుపోతున్న టీమీండియా

Posted: 02/28/2015 06:23 PM IST

క్రికెట్ ప్రపంచకప్‌లో భాగంగా పెర్త్ వేదికగా జరిగిన వన్డేలో జరిగిన పూల్ బి మ్యాచ్ లో టీమిండియా హ్యాట్రిక్ విజయాన్ని నమోదు చేసుకుంది. ఇవాళ యూఏఈతో జరిగిన మ్యాచ్ లో భారత్ 9వికెట్ల తేడాతో ఘన విజయం సాధించింది. యూఏఈ నిర్దేశించిన 103 పరుగుల లక్ష్యాన్ని కేవలం 18.5 ఓవర్లలో ధోని సేన ఛేదించి పసికూన యూఏఈపై 9 వికెట్లతో అలవోక విజయం సాధించింది. ప్రపంచకప్ లో గత రెండు మ్యాచ్ లలో రాణించని రోహిత్ శర్మ (57 నాటౌట్) హాఫ్ సెంచరీతో మళ్లీ ఫామ్ లోకి వచ్చాడు. విరాట్ కోహ్లీ (33 నాటౌట), ధవన్ 14 పరుగులు చేశారు. ఓపెనర్ గా వచ్చిన శిఖర్ ధావన్ జట్టు స్కోరు 29 పరుగుల వద్ద ఉండగా 14 పరుగుల వ్యక్తిగత స్కోరు వద్ద ఔటయ్యారు. మహ్మద్ నవీద్ బౌలింగ్లో క్యాచ్ ఇచ్చి పెవీలియన్ దారిపట్టాడు.

ఆ ఆ తర్వాత రోహిత్, కోహ్లీ మరో వికెట్ పోకుండా జట్టును గెలిపించారు. అంతకుముందు  భారత బౌలర్లు యూఏఈని 31.3 ఓవర్లలో 102 పరుగులకు ఆలౌట్ చేశారు. యూఏఈ జట్టులో షైమన్ అన్వర్ (35) టాప్ స్కోరర్. అన్వర్తో పాటు ఖుర్రంఖాన్, గురుగె మాత్రమే రెండంకెల స్కోరు చేశారు. మిగిలినవారు సింగిల్ డిజిట్కే పెవిలియన్ బాట చేరారు. భారత బౌలర్లు అశ్విన్ 4, జడేజా, ఉమేష్ యాదవ్ చెరో రెండు వికెట్లు తీశారు. అశ్విన్ కు మ్యాన్ ఆఫ్ ద మ్యాచ్ అవార్డు దక్కింది.

జి.మనోహర్