కంగారుల కలలు నిజమవునా

Posted: 11/21/2014 01:53 PM IST

Australia to announce team for india series early

క్రికెట్ దిగ్గజంగా గొప్పలు చెప్పుకునే ఆస్ర్టేలియా.. భారత్ ను చూసి భయపడుతోంది. దిగ్గజానికి గతంలో చాలాసార్లు పెవిలియన్ బాట చూపిన ఘనత భారత్ కు ఉంది. దీంతో ధోని సేన అంటే దడ పుడుతోందని తెలుస్తోంది. ఈ క్రమంలోనే డిసెంబర్ మొదటివారంలో జరిగే టెస్ట్ మ్యాచ్ కోసం రెండు వారాల ముందే జట్టును ప్రకటిస్తారట. ఈ విషయాన్ని ఆస్ర్టేలియా సెలక్టర్ మార్క్ వా స్వయంగా వెల్లడించాడు. ఓ టీవీ చానెల్ కు ఇచ్చిన ఇంటర్వ్యూలో ఆయన ఈ విషయం వెల్లడించారు.

డిసెంబర్ 4నుంచి 8వ తేదీ వరకు భారత్-ఆస్ర్టేలియా మద్య తొలి వన్డే మ్యాచ్ జరగనుంది. మ్యాచ్ తేదికి ఇంకా రెండు వారాల సమయం ఉంది. వ్యూహాత్మకంగా ఈ నిర్ణయం సరైనది కాదు. అయితే మార్కెట్ ప్రయోజనాల కోసమే ఇలా చేస్తున్నారని మార్క్ చెప్తున్నారు. కాని అసలు విషయం మరొకటి ఉందని తెలుస్తోంది. ఇక శనివారం రోజు సెలక్షన్ కమిటి సమావేశమై భారత్ తో జరిగే తొలి టెస్ట్ జట్టును ఖరారు చేయనుంది.

అటు ముందే టీంను ఎంపిక చేయటంపై ఆస్ర్టేలియా క్రికెట్ డైరెక్టర్ పాట్ హోవార్డ్ మాట్లాడుతూ.., మెరుగైన కసరత్తు, జట్టులో సమన్వయం కోసమే ఇలా ముందుగా టీంను ఎంపిక చేస్తున్నామని చెప్పారు. గతంలో ఇంగ్లాండ్ తో యాషెస్ సిరీస్ కోసం కూడా ఇలాగే ముందుగా జట్టును ఎంపిక చేశామని చెప్పారు. ఆ సమయంలో సిరీస్ ను క్లీన్ స్వీప్ (5-0) చేశామని గుర్తు చేశారు. ఇప్పుడు కూడా ఇదే విధంగా సిరీస్ పై కన్నేసి ముందుగా జట్టును ప్రకటిస్తామని అంటున్నారు. మరి కంగారుల కలలు నిజమవుతాయా లేదా అనేది మ్యాచ్ చూస్తే తెలుస్తుంది.

కార్తిక్