జడేజా - అండర్సన్ వివాదాన్ని బ్రేక్ పెట్టిన ‘‘ఫుటేజి’’!

Posted: 07/21/2014 11:32 AM IST

Footage of jadeja and anderson controversy has missed

ట్రెంట్ బ్రిడ్జ్ టెస్టు మ్యాచ్ సందర్భంగా భారత్ క్రికెటర్ ఆల్ రౌండర్ జడేజా, ఇంగ్లాండ్ బౌలర్ జిమ్మీ అండర్సన మధ్య వాగ్వివాదం జరిగిన తెలిసిందే! అయితే ఈ వివాదం ఇప్పుడు కొత్త మలుపుగా మారిపోయింది. వీరి మధ్య జరిగిన మాటల యుద్ధాన్ని తెరదించేందుకు ఇటు టీమిండియా మేనేజ్ మెంట్, అటు ఇంగ్లాండ్ మేనేజ్ మెంట్ గతంలో నిర్ణయాలు తీసుకోగా... ఇప్పుడు అది ఒక పెద్ద దుమారంగా మారిపోయింది. ఎవరూ ఊహించని కొత్త మలపులు చోటు చేసుకున్నాయి.

ఈ ఆటగాళ్ల మధ్య జరిగిన వివాదానికి సంబంధించి వీడియో ఫుటేజీ లేదంటూ ఇంగ్లాండ్ అధికారులు పేర్కొన్నారు. తొలిటెస్టు రెండోరోజు భోజన సమయంలో వీరి మధ్య వాగ్వివాదం జరిగిందని... దాంతో ఆ సమయంలో ఆటగాళ్లవైపు ఫోకస్ చేసిన కెమెరాలు క్రియాశీలకంగా లేవని ఆ వర్గాలు స్పష్టం చేశాయి. దీంతో టీమిండియా మేనేజ్ మెంట్, ఇంగ్లండ్ అధికారుల మీద ఆగ్రహం వ్యక్తం చేసింది. ఇంత పెద్ద వివాదానికి సంబంధించిన ఆధారాలు ఎందుకు లభించడం లేదని ప్రశ్నించింది.

ఇందులో అండర్సన్ తప్పు వుండటం వల్లే తమ ఆటగాణ్ణి కాపాడుకోవడానికి ఇంగ్లాండ్ అధికారులు ఈ విధంగా ప్రవర్తిస్తోందని... ఈ విషయంపై స్పష్టం వచ్చేంతవరకు తాము వెనుకాడబోమని టీమిండిమా మేనేజ్ మెంట్ వారు పట్టుతో వున్నారు. ఈ వివాదంపై ఒక ప్రత్యేక కమిటీని నిర్వహించి, వీడియో ఫుటేజిని పరిశీలించిన అనంతరం ఓ నిర్ణయానికి రావాలని ఇరువర్గాలు భావించాయి. కానీ తాజా పరిణామాల కారణంగా ఈ వివాదానికి ఇక్కడే బ్రేకులు పడిపోయాయి. ఈ విషయం ఇంకెన్నాళ్లవరకు కొనసాగుతుందో వేచి చూడాల్సిందే!