దుబాయ్ ఓపెన్: సెమీస్ లోకి దూసుకెళ్లిన బొప్పన్న జోడి

Posted: 03/02/2017 09:25 PM IST

Rohan bopanna and marcin matkowski march into semi finals

దుబాయ్‌ డ్యూటీ ఫ్రీ టెన్నిస్‌ ఛాంపియన్‌షిప్‌లో భారత డబుల్స్‌ నంబర్‌వన్‌ ఆటగాడు రోహన్‌ బోపన్న సత్తాచాటాడు. దుబాయ్ లో జరుగుతున్న ఈ ఛాంపియన్ షిప్ లో క్వార్టర్ ఫైనల్ లోకి దూసుకెళ్లిన బోప్పన్న టైటిల్ సాధనకు మరో రెండు అడుగుల దూరంలో నిలిచాడు. ఈ సీజన్ లో నలుగురు వివిధ ఆటగాళ్లతో జతకట్టిన రోహన్‌ బోపన్న దుబాయ్‌ ఓపెన్‌ టెన్నిస్‌ టోర్నీలో పోలండ్‌ ప్లేయర్ మత్కోవోస్కీతో కలిసి దుమ్మురేపుతున్నాడు. టోర్నీలోని పురుషుల డబుల్స్‌ విభాగంలో ఈ జోడి సెమీఫైనల్‌కు చేరుకుంది.

క్వార్టర్స్‌లో ఫ్లోరిన్‌ మెర్జియా(రొమేనియా), విక్టోర్‌ ట్రైకీ(సెర్బియా) జోడీపై 6-3, 6-4 వరుస సెట్లతో బోపన్న జోడీ గెలుపొందిన బోప్పాన్న జోడి.. సెమీస్ లో మరో భారత ఆటగాడు లియాండర్‌ పేస్‌ జోడిని ఎదుర్కోనున్నాడు. స్పానిష్ అటగాడు గొల్లెర్ మో గార్సియా లోపెజ్ తో జతకట్టిన లియాండర్ పేస్ జోడీ.. ఈ టోర్నీలో క్వార్టర్‌ ఫైనల్‌కు చేరుకుంది. అయితే క్వార్టర్స్ లో ఈ జోడీ కెనడా డేనియల్ నెస్టర్, ప్రెంచ్ కు చెందిన రోగర్ వాస్సెలిన్ జోడిని ఓడించిన పక్షంలో సెమీస్‌లో బోపన్న జోడీతో తలపడాల్సి ఉంటుంది.