ఏటీపీ ఛాలెంజర్ ఫైనల్స్ లో పేస్ జోడీ ఓటమి

Posted: 10/15/2016 07:38 PM IST

Paes begemann lose tashkent atp challenger final

భారత టెన్నిస్ ఆటగాడు లియాండర్ పేస్ జోడికి నిరాశే ఎదురైంది. తాష్కెంట్ ఏటీపీ చాలెంజర్ టోర్నీ ఫైనల్లో పేస్ జోడి పరాజయం పాలైంది. లియాండ్ పేస్, అయన భాగస్వామి అండ్రీ బెజ్జిమెన్ పైనల్ లో ఓటమితో రన్నర్ అప్ గా నిలించింది. ఛాంఫియన్ షిఫ్ లో భాగంగా పురుషుల డబుల్స్ లో పేస్-ఆండ్రీ బెగెమాన్ జంట స్థానిక అటగాడు డెన్నిస్ ఇస్టోమిన్ తన భాగస్వామైన రష్యా అటగాడు మిఖాలి ఎల్గిన్ చేతిలో పరాజయం పాలయ్యారు.

తుదిపోరులో పేస్ ద్వయం 4-6, 2-6 తేడాతో ఎల్గిన్-ఇస్టోమిన్ జోడి చేతిలో పరాజయం చెందింది. దాంతో ఈ సీజన్ మూడో ప్రయత్నంలో కూడా టైటిల్ సాధించాలనుకున్న పేస్ కల తీరలేదు. అంతకుముందు విన్సాటాన్-సలేమ్, సెయింట్ పీటర్స్ బర్గ్ ఏటీపీ టోర్నీల్లో కూడా పేస్ జంట ఫైనల్ అడ్డంకిని అధిగమించలేకపోయింది. కాగా ఏటీపీ ఛాంఫియన్ గా నిలచిన జోడికి 7750 యూఎస్ డాలర్లు బహుమతి అందుకోగా, రన్నర్స్ అప్ 4500 యుఎస్ డాలర్లు ప్రైజ్ మనీ అందుకున్నారు.