సృష్టిలయ కారకుడైన మహాశివుడికి సంబంధించిన కొన్ని అరుదైన శైవక్షేత్రాలు ఈ భూమండలంలో వున్నాయి. వాటిల్లో ఒక్కో క్షేత్రానికి అందరికీ ఆశ్చర్యం కలిగేలా ఒక్కో ప్రత్యేకత వుంటుంది. ఆ క్షేత్రాలేంటో.. ఎక్కడున్నాయో తెలుసుకుందామా..
* సిద్ధేశ్వరాలయం - నందిలేని శివాలయం :
‘శివాలయం’ అనగానే శివుని విగ్రహం ఎదురుగా నంది వుంటుంది. కానీ అనంతపురం జిల్లా అమరాపురం హేమావతి గ్రామంలోని వుండే సిద్ధేశ్వరాలయంలో మాత్రం శివుడి ఎదురుగా నంది వుండదు. ఇదే ఆలయంలోని ప్రత్యేకత! ఇక్కడ శివుడు ఉగ్ర రూపుడిగా దర్శనమిస్తాడు. ఇందుకు ఓ పురాణగాధ కూడా వుంది. అదేమిటంటే... దక్షయజ్ఞం జరిగిన సమయంలో భర్త (శివుడు) వద్దన్నా తండ్రి చేసే యాగానికి సతీదేవి వెళ్తుంది. అప్పుడు సతీదేవి వెంట తన వాహనమైన నందిని తోడుగా పంపుతాడు శివుడు. అయితే అక్కడ జరిగిన అవమానానికి సతీదేవి తన ప్రాణాలను అర్పిస్తుంది. సతిని కోల్పోయిన శివుడు ఉగ్రతాండవం చేశాడు. ఆ ఉగ్రశివుడి రూపమే ఇక్కడ మనకి కనిపించేది. సతి వెంట నంది వెళ్ళినందున ఈ శివాలయంలో నంది విగ్రహం వుండదు. ఈ ఆలయాన్ని ఈ ప్రాంతాన్ని పాలించిన శివభక్తుడు నాళంబరాజు కట్టించాడు.
* ముక్తేశ్వరాలయం - ఆరు నెలలు మాత్రమే తెరిచే శివాలయం :
ఆంధ్రప్రదేశ్లోని గుంటూరు జిల్లా అచ్చంపేట మండలం మాదిపాడు, కృష్ణాజిల్లా జగ్గయ్య పేట మండలం మక్త్యాల గ్రామాల మధ్య కృష్ణానది మధ్యలో ముక్తేశ్వరుడిగా పూజలందుకునే శివుడు.. సంవత్సరంలో ఆర్నెల్లపాటు కృష్ణమ్మ ఒడిలో దాగుంటాడు. ఆ సమయంలో స్మామిని దేవతలు ఆరాధిస్తారని ప్రతీతి. కృష్ణమ్మ వరద తగ్గినప్పుడు ఈ ఆలయం భక్తులకు కనిపిస్తుంది. ఇక్కడ మరో విశేషం కూడా వుంది. సాధారణంగా శివయ్యని లింగ రూపంలో చూస్తుంటాం. ఇక్కడ అమ్మవారిని కూడా లింగ రూపంలో అర్చిస్తారు. అంటే, ఇక్కడ రెండు లింగాలు, రెండు నందులు, రెండు ఆలయాలు మనకి కనిపిస్తాయి. ఇక్కడ దక్షిణం వైపు వున్న నందిని తిరుగుడు నందిగా పిలుస్తారు.
* శ్రీ ఉమా కొప్పులింగేశ్వరుడి - శివలింగానికి ఝటాఝూటం :
సాధారణంగా శివుడిని ఝటాఝూటంతో చూస్తాం. కానీ.. లింగరూపంలో వున్న స్వామిని ఝటాఝూటంతో వుండే ఆ స్వామి దర్శనం కావాలంటే, తూర్పుగోదావరి జిల్లాలోని పలివెల వెళ్ళాల్సిందే! అక్కడ శివుడు శ్రీ ఉమా కొప్పులింగేశ్వరుడిగా దర్శనమిస్తాడు.
* లింగోద్భవ క్షేత్రం - తేజోలింగ స్వరూపం :
తేజోలింగ రూపంలో ఆ శివుడిని దర్శించుకోవాలనుకుంటే గుంటూరు జిల్లా చందోలు వెళ్ళాలి. లింగోద్భవ క్షేత్రంగా పిలవబడే ఈ క్షేత్రంలో 11 అడుగుల ఎత్తు, నాలుగున్నర అడుగుల వైశాల్యం కలిగిన నల్లరాతి శివలింగం వుంది. లింగంపై హంస రూపంలో బ్రహ్మ, అడుగుభాగాన వరాహ రూపంలో విష్ణుమూర్తి రూపాలు కనిపిస్తాయి.
* కపోతేశ్వరాలయం - శివలింగంపై పావురాలు :
శివలింగం పైభాగంలో రెండు పావురాలు, మంటపంలో నంది వెనుక భాగంలో వేటగాడు.. ఇలా ఈ విధంగా వుండే శివుడి ఆలయం తూర్పుగోదావరి జిల్లా కడలిలో వుంది. కపోతేశ్వరాలయంగా పిలువబడే ఈ ఆలయం ఎంతో ప్రతిష్టాత్మకమైంది.
* లింగరూపంలో పార్వతీ పరమేశ్వరులు :
లింగరూపంలో పార్వతీ పరమేశ్వరుల కొలువై వున్న పుణ్యక్షేత్రం కర్ణాటక రాష్ట్రం దక్షణ కన్నడ జిల్లాలోని బెల్తంగడి తాలూకాలోని సూర్య గ్రామంలో వుంది. ఇక్కడ శివరుద్ర స్వామి లింగ రూపంలో వెలిశాడని ప్రతీతి. దేవాలయానికి సమీపంలో ఒక ఉద్యానవనం వుంటుంది. ఇందులో రెండు శిలారూపాలుంటాయి. వీటినే శివపార్వతులుగా భావించి పూజిస్తారు భక్తులు. ఇక్కడి విశేషం.... మనం కోరిన కోర్కె తీరితే ఆ కోర్కెని బొమ్మ రూపంలో స్వామికి మొక్కుగా చెల్లించాలి.
(And get your daily news straight to your inbox)
May 31 | భాగ్యనగరంలో ఏటా నిర్వహించే హనూమాన్ జయంతి వేడుకల గురించి ప్రత్యేకంగా చెప్పుకోవాల్సిన అవసరం లేదు. స్వామివారీ సేవలతో మొదలయ్యే ఈ వేడుకలు శోభాయత్రతో ఘనంగా ముగుస్తాయి. ఏటా చైత్ర పౌర్ణమిరోజు హన్ మాన్ (చిన్నజయంతి),... Read more
Jan 13 | అర్జునుడి మునిమనవడైన నరేంద్రుడు, తప్పని పరిస్థితుల్లో ఋషిని హత్యచేసాడు... ఇందుకు ఎంతో పశ్చ్యాతాపపడ్డాడు... ఎలా అయిన "బ్రహ్మ" హత్యా దోషాన్ని పోగొట్టుకోవాలి అనుకున్నాడు... అన్ని ప్రాంతాలు సందర్శిస్తూ, అన్ని ఆలయాలలో పూజలు చేయ్యసాగాడు... కానీ,... Read more
Nov 24 | భారతదేశంలో వెలిసిన అత్యంత పురాతనమైన ఆలయాల్లో... వరంగల్ జిల్లాలోని అయినవోలు గ్రామంలో వెలిసిన మల్లికార్జున స్వామివారి దేవాలయం ఒకటి. విశాల ప్రాంగణంలో ఎంతో అద్భుతంగా వెలిసిన ఈ ఆలయం.. కాకతీయుల కాలంలో నిర్మింపబడింది. కాకతీయ... Read more
Nov 21 | సోమనాథ్ క్షేత్రం.. మహాశివుని ద్వాదశ జ్యోతిర్లింగాలలో ఒకటైన ఈ క్షేత్రం గుజరాత్ రాష్ట్రంలో సౌరాష్ట్రా ప్రాంతంలోని వెరావల్లో వుంది. దీనిని ‘ప్రభాస తీర్థం’ అని కూడా పిలుస్తారు. స్థలపురాణం ప్రకారం.. ఈ ఆలయాన్ని చంద్రుడు... Read more
Nov 19 | ఆధ్యాత్మిక, చారిత్రాత్మక సంపదగల భారతదేశంలో కొన్ని ఆలయాలు చరిత్రపుటలో మరుగునపడుతున్నాయి. ఒక్కసారి వాటిని పరిశీలిస్తే.. నమ్మలేని అద్భుత గాధలు తెలుసుకోవచ్చు. అలాంటి ఆలయాల్లో ‘భోగేశ్వరాలయం’ ఒకటి. కాకతీయ సామ్రాజ్యంలో నిర్మించబడిన ఈ ఆలయం.. వరంగల్... Read more