నగ్న ఫోటోను పోస్టు చేసిన పాప్ సింగర్

Posted: 11/08/2017 10:41 AM IST

Pop singer shares naked photo in twitter

ఆస్ట్రేలియాకు చెందిన ‘చీప్ థ్రిల్స్’ సింగర్ సియా ఫర్లెర్ పెద్ద షాకే ఇచ్చింది. ఆమె తన ట్విట్టర్ పేజీలో నగ్న ఫోటోను పోస్ట్ చేసింది. పైగా ఇక్కడ ఇవి మీకు పూర్తిగా ఉచితం అంటూ ఓ పోస్టును కూడా ఉంచింది.

ఇంతకీ విషయం ఏంటంటే... ఓ ఫోటోగ్రాఫర్ సీక్రెట్ గా ఆమె నగ్న ఫోటోలను తీసి అమ్మకానికి యత్నించాడు. ఆన్ లైన్ లో అవి జోరుగా అమ్ముడుపోతుండటంతో విషయం సియా చెవిన పడింది. దీంతో స్పందించిన సియా అతడికా ఛాన్స్ ఇవ్వకూడదని నిర్ణయించుకుంది.

‘‘నా నగ్న ఫొటోలను ఎవరో అమ్మేందుకు ప్రయత్నిస్తున్నారని తెలిసింది. మీ డబ్బును ఆదా చేసుకోండి.. డబ్బులిచ్చి ఆ ఫొటోను కొనుక్కోకండి. ఇక్కడ మీకిది పూర్తి ఉచితం. ఇక ప్రతీరోజూ క్రిస్‌మసే’’ అని ఫొటో కింద క్యాప్షన్ రాసింది. కాగా సియాకు చెందిన 15 న్యూడ్ ఫొటోలను గుర్తుతెలియని వ్యక్తి అమ్మకానికి పెట్టినట్టు తెలుస్తోంది. సియా ఫర్లెర్ తాజా క్రిస్మస్ ఆల్బమ్ విడుదలకు సిద్దమైన వేళ ఈ నగ్న ఫొటోలు ట్విట్టర్‌లో వేడి పుట్టిస్తున్నాయి. మరోవైపు ఈ వ్యవహారంపై ఆమె సైబర్ పోలీసులను ఆశ్రయించినట్లు తెలుస్తోంది.