దెబ్బకి అకౌంట్లను డిలేట్ చేసిన హీరోయిన్

Posted: 12/01/2016 10:32 AM IST

హాలీవుడ్ నటి ఇవాన్ రాచెల్ సోషల్ మీడియా నుంచి నిష్క్రమించింది. వెస్ట్ వరల్డ్ మూవీతో పాపులర్ అయిన ఈ 29 ఏళ్ల ఈ బ్యూటీ తన ఆన్ లైన్ అకౌంట్లన్నింటిని తాత్కాలికంగా వదిలేసినట్లు సమాచారం అందుతోంది. ఖాతాలను డిలేట్ చేసే ముందు ‘‘ నాకు కాస్త విశ్రాంతి కావాలి. నాకు మనోధైర్యం ఇచ్చిన మీ అందరికీ థాంక్స్. నేను మీతోనే ఉంటాను’’ అంటూ పేర్కొంది.

విషయం ఏంటంటే.. రోలింగ్ స్టోన్ మ్యాగ్జైన్ కోసం ఇచ్చిన ఇంటర్వ్యూలో ఇవాన్ తాను రేప్ కు గురైనట్లు ప్రకటించింది. తాను 22 ఏళ్ల వయసులో ఉన్నప్పుడు దగ్గరి వ్యక్తి ఒకరు అత్యాచారం చేశాడని, అంత జరిగినా తాను జాగ్రత్తగా ఉండకపోవటంతో కొన్నాళ్లకు ఓ బార్ యజమాని తనపై అఘాయిత్యానికి పాల్పడ్డాడని వివరించింది. ‘‘ఆ వయసులో చనిపోదామనకున్నా. కానీ, నేనేం తప్పు చేశాను. వాళ్లే మృగాళ్లుగా మారి నన్ను అనుభవించారు. దానికి నేనేందుకు చనిపోవాలి. అందుకు జీవితంలో ధైర్యంగా ముందుకు సాగాలని నిర్ణయించుకున్నా’’ అంటూ అందులో పేర్కొంది.

అంతే ఆ దెబ్బకి ఆమె సోషల్ మీడియా ఖాతాలన్నీ పరామర్శలతో నిండిపోయింది. ఆ దాటికి తట్టుకోలేని ఆమె తన ఖాతాలన్నింటిని కొంత కాలంగా తొలగించేందుకు నిర్ణయించింది. కాగా, ఇవాన్ కు గతంలో జామై బెల్ అనే నటుడితో వివాహం జరిగి, ఆపై విడాకులు కూడా అయ్యింది. వీరికి మూడేళ్ల పాప కూడా ఉంది. ప్రస్తుతం మ్యూజిక్ డైరక్టర్ మరిలిన్ మాన్సన్ తో డేటింగ్ చేస్తోంది.