సోనమ్ కపూర్ లో పాకిస్తాన్ ‘‘ఉడుకు’’ రక్తం!

Posted: 09/19/2014 04:35 PM IST

బాలీవుడ్ అగ్రనటుడు అనీల్ కపూర్ కుమార్తె సోనమ్ కపూర్ వ్యవహారం పూర్తిగా మారిపోయినట్లు కనిపిస్తోంది. ఆమె తీరు చూస్తుంటే పూర్తిగా పాకిస్తానీ అమ్మాయిలా మాట్లాడుతోందని... వాళ్లకోసం ఈ అమ్మడు ప్రత్యేకంగా కొన్ని కార్యకలాపాలను కూడా నిర్వహిస్తోందని వార్తలు వస్తున్నాయి. అంతేకాదు.. తనలో పాకిస్తానీ రక్త ప్రవహిస్తోందని ఈ ఆరడుగుల సుందరి బహిరంగంగా వ్యాఖ్యానాలు కూడా చేసేస్తోంది. అంటే.. తాను ఒక పాకిస్తానీ అమ్మాయినేనంటూ చెప్పకనే చెప్పేస్తోందన్నమాట! అయతే ఇన్నాళ్లవరకు ఈ విషయంపై నోరుమెదపని సోనమ్.. సడెన్ గా ఇలా ఎందుకు వ్యవహరిస్తుందోనన్నదే మీ సందేహం! అబ్బే.. అదేం లేదండి.. తాను తాజాగా నటించిన చిత్రాన్ని ప్రమోట్ చేసుకునే పనిలో వున్న ఈ తార.. ఇలా పాకిస్తానీ అమ్మాయిలా సరికొత్త అవతారమెత్తింది.

అమ్మాయిలకు ఫ్యాషన్ ఐకాన్ గా నిలిచిన సోనమ్ కపూర్ తాజాగా నటించిన చిత్రం ‘‘ఖూబ్ సూరత్’’! ఈ సినిమా షూటింగ్ స్టార్ట్ అయినప్పటి నుంచి దీనిని ప్రత్యేకంగా ప్రమోట్ చేస్తూనే వస్తున్నారు. ఫస్ట్ లుక్ నుంచి ఇప్పటివరకు రకరకాల విధాలుగా ప్రమోషన్ చేస్తూనే వున్నారు. ఇక సోనమ్ కపూర్ కు ఇంతవరకు సరియైన హిట్ లభించకపోవడంతో ఈ సినిమాతోనైనా భారీ విజయాన్ని సాధించాలనే ఆశతో ఆమె కూడా ప్రమోషన్ పనిలో సరికొత్త పుంతలు తొక్కుతోంది. ఇప్పటికే ఇండియాలో రకరకాల ప్రచారాలు చేసుకుంటూ తిరిగిన ఈ భామ.. ఇప్పుడు పాకిస్తాన్ లో పర్యటిస్తోంది. అక్కడ కూడా విజయాన్ని అందుకోవాలని ఫిక్స్ అయిన ఈ అమ్మడు.. తన కో-స్టార్, పాక్ నటుడు ఫవాద్ ఖాన్ తో కలిసి ప్రచారాలు చేయడం మొదలుపెట్టేసింది. ఈ ప్రచారనేపథ్యంలోనే భారత్ - పాక్ సరిహద్దు ప్రాంతమైన అత్తారీలో యూనిట్ పర్యటించింది.

ఈ పర్యటన సందర్భంగా సోనమ్ కపూర్ పాక్ సైనికులతో కరచాలనం చేసి బాగానే మురిసిపోయింది. ఆ నేపథ్యంలోనే ఈ అమ్మడు మాట్లాడుతూ.. తనకు ఒకసారి పాకిస్తాన్ వెళ్లాలని వుందంటూ తన ఆకాంక్షను వారితో వెల్లడించింది. పాక్ భూభాగంలోకి అడుగుపెట్టేందుకు అనుమతించాలని సైనికులను అడిగానని.. అయితే అందుకు వారు నిరాకరించారని తెలిపింది. దీంతో నిరాశకు గురైన ఈ భామ.. తనలో కూడా పాకిస్తాన్ రక్తమే ప్రవహిస్తోందని పేర్కొంది. తన నానాజీ (తాతయ్య-తల్లి తరపు), దాదాజీ (తాతయ్య-తండ్రి తరపు) పాక్ లోని పెషావర్ కు చెందిన వారని తెలిపిన ఆమె.. తనను పాకిస్తాన్ లో అడుగుపెట్టేందుకు అనుమతించకపోవడంతో ఆగ్రహం వ్యక్తం చేసింది.

AS