రాంచరణ్-కొరటాల మధ్య ఈ లావాదేవీ ఏమీటీ.?

Posted: 02/05/2019 06:15 PM IST

Why ram charan gives rs 2 cr cash to koratala siva

మెగా పవర్ స్టార్ రాంచరణ్ తేజ్ ప్రముఖ డైరెక్టర్ కొరటాల శివకు మధ్య రెండు కోట్ల రూపాయల లావాదేవీ నడించిందన్న వార్త ప్రస్తుతం టాలీవుడ్ వర్గాల్లో చర్చనీయాంశంగా మారింది. కొరటాలకు రాంచరణ్ ఎందుకని రూ.2 కోట్లు ఇచ్చాడన్న దానిపై అందరి అంచనా ఒక్కటేగానే వుంది. అయితే ఈ వార్తతో మెగా అభిమానుల్లో మాత్రం నూతన ఉత్సహాం కనబడుతొంది. ఇంతకీ విషయం ఏమిటంటే..

మెగాస్టార్ చిరంజీవి రీ-ఎంట్రీ తరువాత వరుసగా రెండు చిత్రాలను నిర్మించిన రామ్ చరణ్.. తాజాగా మరో చిత్రానికి కూడా నిర్మాతగా వ్యవహరించేందుకు రెడీ అవుతున్నాడు. కొణిదెల ప్రోడక్షన్స్ బ్యానర్ లో రూపోందుతున్న ఈ చిత్రానికి కొరటాల శివ దర్శకత్తం వహిస్తున్నాడని టాక్ కూడా వినబడుతుంది. ఈ సినిమాలో చిరంజీవి రైతు పాత్రలో కనిపించనున్నారు. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ పనులు జరుగుతున్నాయి. కొరటాల ఒక్కో సినిమాకి 10 నుంచి 15 కోట్లు పారితోషికంగా తీసుకుంటారని వినికిడి.

దీనిని దృష్టిలో పెట్టుకుని, చిరంజీవి సినిమా కోసం ఆయనకి చరణ్ 2 కోట్లను అడ్వాన్స్ గా ఇచ్చాడట. మిగతా మొత్తం పారితోషికంగా కాకుండా ఉత్తరాంధ్ర ప్రాంతంలోని షేర్ లో వాటాగా దక్కనున్నట్టు తెలుస్తోంది. కొరటాల కోరిక మేరకే ఇలా ఫిక్స్ చేయడం జరిగిందని అంటున్నారు. సినిమా ఘన విజయాన్ని సాధిస్తే కొరటాల వాటాగా భారీ మొత్తమే ముడుతుందన్న మాట. ఈ సినిమాలో కథానాయిక పాత్ర కోసం నయనతార .. అనుష్క .. తమన్నా పేర్లను పరిశీలిస్తున్నారు. ఎవరిని ఖరారు చేస్తారో చూడాలి మరి.