అనుష్క నెక్స్ట్.. నో క్లారిటీ!

Posted: 03/12/2018 05:34 PM IST

ఓ హీరోకు తన చిత్రం కోసం కలెక్షన్లు రాబట్టడమే కష్టతరంగా మారిన ఈ రోజుల్లో హీరోలకు కూడా సాధ్యం కాని రీతిలో రూ. 50 కోట్ల కలెక్షన్లు రాబట్టి అనుష్క.. తాను సూపర్ స్టార్ ననే విషయాన్ని మరోసారి స్పష్టం చేసింది. భాగమతి బిగ్ హిట్ అందుకు బెస్ట్ ఎగ్జాంపుల్.

ఈ మూడు నెలల్లో విడుదలైన చిత్రాల్లో ఇప్పటిదాకా భాగమతినే బిగ్గెస్ట్ హిట్ అంటే అతిశయోక్తి కాదేమో. అయితే అంత పెద్ద హిట్ కొట్టాక అనుష్క ఎందుకు సైలెంట్ గా ఉందా? అన్న అనుమానాలు అభిమానులను వెంటాడుతున్నాయి. బాహుబలి తర్వాత అధికారికంగా మరే సినిమాకు ఆమె సైన్ చేసింది లేదు. కొత్త సినిమా కోసం వెయిట్ తగ్గే పనిలో ఉందంటూ కొందరు చెబుతుండగా.. తమిళ రీమేక్ కోసం సైన్ చేసిందంటూ వార్తలు వినిపించాయి.

అయితే అదంతా పుకార్లేనని తర్వాత తేలింది. గౌతమ్ మీనన్ మల్టీ స్టారర్ చిత్రం కోసం సంతకం చేసినా అది అనుష్క స్థాయి పాత్ర కాదనేది అభిమానుల మాట. ఆ లెక్కన్న అనుష్క అభిమానులు ఆమె తదుపరి చిత్రం ఏంటన్నదాని కోసం ఆత్రుతగా ఎదురు చూస్తున్నారు. ఆ క్లారిటీ ఏంటన్నది త్వరలో ఇస్తారనే అనుకుందాం.