అనిల్ డైరెక్షన్ లో బాలయ్య సినిమా?

Posted: 02/23/2018 06:50 PM IST

నటదిగ్గజం, తన తండ్రి దివంగత నందమూరి తారకరామారావు బయోపిక్ ను ఎన్టీఆర్ పేరుతో ప్రతిష్టాత్మకంగా తెరకెక్కించేందుకు తనయుడు బాలకృష్ణ ప్రయత్నాలు చేస్తున్న విషయం తెలిసిందే. సమ్మర్ నుంచి చిత్ర రెగ్యులర్ షూటింగ్ ప్రారంభం అవుతుందని చెబుతుందని చెబుతున్నప్పటికీ.. ఇంత వరకు దానిపై క్లారిటీ లేదు. దర్శకుడు తేజ ప్రస్తుతం తారాగణం ఎంపిక చేసే పనిలో బిజీగా ఉన్నాడు.

అయితే ఈ గ్యాప్ లో బాలయ్య మరో సినిమాలో నటించే అవకాశం ఉందని చెబుతున్నారు. బాలకృష్ణ కథానాయకుడిగా కె.ఎస్.రవికుమార్ దర్శకత్వంలో సి.కల్యాణ్ నిర్మించిన 'జై సింహా' విజయాన్ని సాధించింది. ఈ నేపథ్యంలో ఈ గ్యాప్ లో మరో సినిమాను మొదలుపెట్టాలనే ఉద్దేశంతో సి.కల్యాణ్ ఉన్నారంట. తొలుత వినాయక్ ను కలవడం .. తనకి వేరే కమిట్మెంట్స్ ఉన్నాయని ఆయన చెప్పటంతో మరో దర్శకుడి చేతికి ఆ ప్రాజెక్టు వెళ్లిపోయిందని అంటున్నారు.

గతంలో బాలయ్యతో రామారావు గారు అనే చిత్రం తెరకెక్కించేందుకు దర్శకుడు అనిల్ రావిపూడి ప్రయత్నించి విఫలమైన విషయం తెలిసిందే. ఈ నేపథ్యంలో బాలయ్య తదుపరి చిత్రాన్ని అనిల్ డైరెక్షన్ లోనే తెరకెక్కించాలని సి.కల్యాణ్ భావిస్తున్నాడంట. మరోవైపు బాలయ్యను ఒప్పించే ప్రయత్నం ఎంతవరకూ ఫలిస్తుందో చూడాలి.