ఎన్టీఆర్-త్రివిక్రమ్.. థమన్ ను ఫిక్స్ చేసేశారా?

Posted: 02/13/2018 06:12 PM IST

యంగ్ టైగర్ ఎన్టీఆర్.. మాటల మాంత్రికుడు త్రివిక్రమ్ శ్రీనివాస్ చిత్రం ఇంకా రెగ్యులర్ షూటింగ్ మొదలుకాలేదు. మార్చి 26 నుంచి ప్రారంభం అయ్యే అవకాశం ఉంది. తాజాగా ఈ చిత్రం గురించి మరో అప్ డేట్ అందుతోంది.

ఎస్ ఎస్ థమన్ ను మ్యూజిక్ డైరెక్టర్ గా తీసేసుకున్నట్లు వార్తలు అందుతున్నాయి. మొదటగా ఈ చిత్రానికి అనిరుధ్ రవిచందర్ ను అనుకున్నారు. అయితే కారణం ఏంటో తెలీదుగానీ ఆ ప్లేస్ లో ఇప్పుడు థమన్ ను తీసుకున్నట్లు తెలుస్తోంది. మధ్యలో దేవీ పేరు వినిపించినప్పటికీ.. ఎందుకనో ఛాయిస్ థమన్ వైపు వెళ్లిందని చెబుతున్నారు. దీనిపై అధికారిక ప్రకటన వెలువడాల్సి ఉంది.

ప్రస్తుతం థమన్ మంచి జోరు మీద ఉండటమే అందుకు కారణం కావొచ్చు. పాపులర్ సినిమాటోగ్రఫర్ నటరాజ్ సుబ్రహ్మణ్యం, ఏఎస్ ప్రకాశ్ లు ఈ చిత్రానికి వర్క్ చేయనున్నారు.