బాలయ్యతో ఎస్వీ కృష్ణారెడ్డి ఫాంటసీ స్టోరీ?

Posted: 12/07/2017 02:39 PM IST

ఓ టైప్ ఆఫ్ కామెడీ, ఎమోషనల్ చిత్రాలతో అలరించిన సీనియర్ దర్శకుడు ఎస్వీ కృష్ణారెడ్డి గత కొన్నేళ్లుగా సినిమాలకు దూరమయ్యారు. యమలీల 2 ఆయన దర్శకత్వం వహించిన ఆఖరి చిత్రం. అది పెద్దగా ఆడలేదు కూడా. అయితే ఇప్పుడు ఆయనకు మరో బంపరాఫర్ తగిలినట్లు చెప్పుకుంటున్నారు.

వందో చిత్రం తర్వాత జెట్ స్పీడ్ తో సినిమాలు చేసుకుంటూ పోతున్నాడు సీనియర్ నటుడు బాలకృష్ణ. ఒక సినిమా పూర్తికావడమే ఆలస్యం .. మరో సినిమాను సెట్స్ పైకి తీసుకువెళుతున్నారు. ఇప్పుడు 'జై సింహా' షూటింగ్ పూర్తికాగానే .. తన తదుపరి సినిమా కోసం రెడీ అవుతున్నారు. ఎన్టీఆర్ బయోపిక్ ఆలస్యంగా మొదలయ్యే అవకాశం ఉండటంతో ఈ గ్యాప్ లో మరో చిత్రం చేయబోతున్నారని టాక్. దర్శకుడు ఎస్వీ కృష్ణారెడ్డి వినిపించిన కథ నచ్చటంతో ఆయన ఓకే చెప్పినట్లు తెలుస్తోంది.

గతంలో బాలకృష్ణతో ఎస్వీ కృష్ణారెడ్డి 'టాప్ హీరో' చిత్రం చేసినప్పటికీ అది పెద్దగా ఆడలేదు. అయితే ఎన్నో కుటుంబ కథా చిత్రాలను అందించిన కృష్ణారెడ్డి .. ఓ ఫాంటసీ కథతో రాబోతున్నాడని చెబుతున్నారు. త్వరలోనే ఈ ప్రాజెక్టుకు సంబంధించిన ఎనౌన్స్ మెంట్ ఉండే అవకాశం ఉందని చెబుతున్నారు.