త్రివిక్రమ్ సనిమాలో ఎన్టీఆర్ రోల్ అదేనా?

Posted: 09/25/2017 02:57 PM IST

ప్రస్తుతం జై లవ కుశ సక్సెస్ ను ఎన్టీఆర్ ఎంజాయ్ చేస్తున్నాడు. కలెక్షన్ల పరంగా భీభత్సం కొనసాగుతోంది. వరుసగా సినిమా, బిగ్ బాస్ లతో బిజీ అయిన తారక్ ఇప్పుడు విదేశాల్లో ఫ్యామిలీ టూర్ కి సిద్ధమైపోతున్నారు. ఆ వెంటనే మళ్లీ కొత్త చిత్రం షూటింగ్ లో జాయిన్ అయిపోతాడు.

ఎన్టీఆర్ తదుపరి సినిమా త్రివిక్రమ్ శ్రీనివాస్ దర్శకత్వంలోనే అన్న విషయం తెలిసిందే. చిత్రానికి సంబంధించిన సన్నాహాలు జరుగుతున్నాయి. ఈ నేపథ్యంలో ఎన్టీఆర్ ఈ సినిమాలో మిలటరీ ఆఫీసర్ గా కనిపించనున్నట్టు తెలుస్తోంది. ఇక ఈ సినిమాలో కథానాయికగా అనూ ఇమ్మాన్యుయేల్ ను ఎంపిక చేసిన సంగతి తెలిసిందే. త్వరలో ఈ సినిమాకి సంబంధించిన ప్రీ ప్రొడక్షన్ పనులను పూర్తి చేస్తారట.

ప్రస్తుతం పవన్ తో సినిమా చేస్తోన్న త్రివిక్రమ్, తరువాత ఎన్టీఆర్ తో కలిసి సెట్స్ పైకి వెళ్లనున్నాడన్న మాట. ఈ సినిమాలో ఎన్టీఆర్ పోషించే పాత్ర గురించిన ఆసక్తికరమైన అప్ డేట్ వెలుగులోకి రావటం మరో చర్చకు దారితీస్తోంది. నా పేరు సూర్యలో బన్నీ మిలిటరీ ఆఫీసర్ పాత్ర పోషిస్తుండగా, అనూ నే హీరోయిన్ కావటం విశేషం.