డ్రగ్స్ కేసు రీ ఓపెన్.. ముగ్గురు టాలీవుడ్ సెలబ్రిటీల విచారణ నిజమేనా?

Posted: 09/06/2017 06:09 PM IST

తెలుగు రాష్ట్రాలతో పాటు.. దేశ వ్యాప్తంగా సంచలనంగా మారిన టాలీవుడ్ డ్రగ్స్ వ్యవహారం మరోసారి మీడియాలో హడావుడి చేయబోతుందా? సంచలనంగా మారిన ఈ వ్యవహారంలో మరికొందరి పేర్లు వెలుగులోకి రానున్నాయా? వారిని విచారించేందుకు ఎక్సైజ్ స్పెషల్ సిట్ సిద్ధమౌతోందా? ఈ ప్రశ్నలు ఇప్పుడు ఫిల్మ్ నగర్ లో చక్కర్లు కొడుతున్నాయి.

తాజాగా మరో ముగ్గురు సినీ తారలకు ఎన్ ఫోర్స్ మెంట్ అధికారులు నోటీసులు ఇచ్చేందుకు సిద్ధమైపోతున్నారన్న వార్త జోరుగా చక్కర్లు కొడుతోంది. 11 మందిని విచారించిన సమయంలోనే వీరు మిస్సయ్యారని.. ఇప్పుడు ఎట్టి పరిస్థితుల్లోనూ వారిని వదిలే ప్రసక్తే లేదని అంటున్నారు. వీరిలో ఓ టాప్ హీరోయిన్ సహా ఓ యువ నటి, ఫ్యామిలీ బ్యాగ్రౌండ్ ఘనంగా ఉన్న ఓ యంగ్ హీరో కూడా ఉన్నట్లు సమాచారం. డ్రగ్స్ వినియోగం విషయంలో ఈ ముగ్గురికి నేరుగా సంబంధాలు ఉన్నట్లుగా చెబుతున్నారు. మరీ ముఖ్యంగా టాప్ హీరోయిన్ గురించే కథలు కథలుగా చెబుతున్నారు.

రీసెంట్ గా కూడా ఓ ఫంక్షన్ కు డ్రగ్స్ తీసుకుని వస్తే.. ఓ హీరో సాయంతో ఇంటికి చేరింది అని... కొన్ని వెబ్ సైట్లు కథనాలు ప్రచురిస్తున్నాయి. అయితే ప్రస్తుతానికైతే టాలీవుడ్ విచారణకు సంబంధించి తమ దగ్గర ఎలాంటి సమాచారం లేదని ఓ అధికారి వ్యాఖ్యానించటం విశేషం. తీవ్ర ఒత్తిడి రావటంతోనే సెలబ్రిటీల విచారణనను, మరి కొన్ని పేర్లు వెలుగులోకి రానివ్వలేదన్న విషయం తెలిసిందే. ఈ నేఫథ్యంలో మరి కొందరి విచారణ పేరిట వస్తున్న వార్తలు పుకార్లే అనుకోవాలి.