క్రేజీ హీరోయిన్ చుక్కలు చూపిస్తోందిగా...

Posted: 07/05/2017 04:25 PM IST

ఫ్రెష్ ఫేస్ లకు టాలీవుడ్ లో ఒకటి రెండు హిట్లు పడ్డాయంటే చాలూ వాళ్ల రేంజ్ ఎక్కడికో వెళ్లిపోతుంది. ఆపై స్టార్ హీరోలతో జత కడుతూ సేఫ్ సైడ్ గా తమ కెరీర్ నావను ముందుకు నడుపుతుంటారు కొందరు హీరోయిన్లు. కానీ, హిట్లే లేని ఆ హీరోయిన్ కేవలం క్రేజ్ మూలంగా చేస్తున్న డిమాండ్లు మన మేకర్లకు ఇప్పుడు చుక్కలు చూపిస్తున్నాయి.

గతంలో ఓ రెండు చిత్రాల్లో నటించిన ఈ ముంబై భామ తర్వాత గ్యాప్ తో మరోసారి తన అదృష్టాన్ని పరీక్షించుకుంది. నటన గురించి పక్కనపెడితే(ఎంత తక్కువ మాట్లాడితే అంత మంచిది) కేవలం గ్లామర్ షోతో ఏదో నెట్టుకొచ్చేసింది. కేవలం స్టార్ హీరోతో చేసిందన్న ఒకే ఒక్క రీజన్ తో బాగానే ముట్టజెప్పారు. ఇది చాలదన్నట్లు మరో యంగ్ హీరో తో మూవీకి ఏకంగా కోటిన్నర పారితోషకం ఆఫర్ చేశారు. ఇన్ని అయ్యాక ఇక నేల మీద ఉంటుందా?. తనని అప్రోచ్ అయ్యేవారిని గొంతెమ్మ కోర్కెకలతో చుక్కలు చూపిస్తుందంట.

మాములుగా ఏదైనా షోరూంల ఓపెనింగ్ కు స్టార్ హీరోయిన్లు సైతం 3 లక్షల దాకా డిమాండ్ చేస్తుంటారు. ఇంకొందరు మాత్రం కేవలం కాస్ట్ లీ గిఫ్ట్ లతో వదిలేస్తారు. కేవలం 30 నిమిషాల్లో ముగించే తంతు అయినప్పటికీ పాపులారిటీ వస్తుందన్న ఒకే ఒక ఉద్దేశ్యంతో నిర్వాహకులు ఆ మాత్రం వెచ్చిస్తుంటారు. అయితే రీసెంట్ గా ఓ పాపులర్ మాల్ వాళ్లు తమ షాప్ ఓపెనింగ్ కు ఇందాక చెప్పుకున్న కొత్త హీరోయిన్ దగ్గరికి వెళ్లారంట. అయితే తాను మాత్రం 10 లక్షలు ఇస్తేనే వస్తా అంటూ ఖరాఖండిగా తేల్చి చెప్పేయటంతో దండం పెట్టేసి మరో స్టార్ హీరోయిన్ తో కానిచ్చేస్తున్నారని టాక్.