దిల్ రాజుకు పవన్ ఆఫర్.. కండిషన్స్ అప్లై

Posted: 06/26/2017 06:02 PM IST

ఓవైపు తన పాతికవ సినిమా త్రివిక్రమ్ డైరక్షన్ లో పూర్తి చేసేసి తర్వాత పూర్తిగా రాజకీయాలకే టైం కేటాయించాలనుకుంటున్నాడు అనే వార్త. కాదు అన్న చిరుతో కలిసి ఓ మల్టీ స్టారర్ లో నటించాక అప్పుడు విరామం ఇస్తాడని సుబ్బిరామిరెడ్డి లాంటి వాళ్ల స్టేట్ మెంట్. మరోవైపు అసలు పవర్ స్టార్ తో కలిసి పని చేసేందుకు ఛాన్స్ దొరుకుతుందా? అని వెయిటింగ్ లిస్ట్ లో ఉన్న మరికొందరు... ఏది ఏమైనా పవన్ సినిమాల బ్రేక్ మాత్రం ఫ్యాన్స్ కి కాస్త నిరాశే అని చెప్పాలి.

అయితే ఆయనతో ఎప్పటి నుంచో సినిమా చేయాలనుకుంటున్న స్టార్ ప్రోడ్యూసర్ దిల్ రాజు కల మాత్రం త్వరలో నెరవేరే ఛాన్స్ ఉందని చెబుతున్నారు. మిగతా వాళ్లలాగానే తన కోరిక నెరవేరదేమోననే కంగారుతో పవన్ ను కలిశాడట. ఆయనతో సినిమా చేసే సమయం కోసం తాను చాలాకాలంగా ఎదురుచూస్తున్నాననే విషయం చెప్పాడట. దీంతో రాజుగారి బ్యానర్ లో చేసేందుకు తనకేం అభ్యంతరం లేదని గ్రీన్ సిగ్నల్ ఇచ్చినట్లు తెలుస్తోంది.

అయితే తనకి ఈ టైంలో మంచి కథ కావాలనీ .. అలాంటిదైతేనే తాను చేసేందుకు రెడీ అని పవన్ చెప్పినట్లు సమాచారం. ఇదే అదనుగా భావించిన రాజు .. పవన్ ఇమేజ్ కి తగిన కథ కోసం గట్టి ప్రయత్నాలు చేస్తున్నాడని ఫిల్మ్ నగర్ టాక్. . చిన్నా పెద్ద డైరక్టర్ ఎవరైనా సరే మంచి కథతో తన వద్దకు రావాలని ఇప్పటికే దిల్ రాజు పురమాయించినట్లు కూడా చెప్పుకుంటున్నారు. ఇచ్చిన మాట ప్రకారం మంచి కథ దొరికితే మాత్రం త్రివిక్రమ్ తర్వాతి సినిమా దిల్ రాజు బ్యానర్ లో అయినా ఆశ్చర్యపోవాల్సిన అవసరం లేదు.