స్పైడర్ డైరెక్టర్ మురగదాస్ పై మహేష్ ఫైర్..?

Posted: 05/20/2017 08:13 PM IST

టాలీవుడ్ సూపర్ స్టార్ మహేష్ బాబు కి చాలా కోపం వచ్చింది. ఈ కోపానికి కారణం ఏంటి అనేగా మీ డౌట్..? ఆయన చిత్రం మరింత అలస్యంగా విడుదల కావడమే ఇందుకు కారణమని టాలీవుడ్ వర్గాల టాక్. మురుగదాస్ దర్శకత్వంలో ప్రిన్స్ 'స్పైడర్' సినిమా చేస్తున్న సంగతి తెలిసిందే. అయితే ఈ చిత్రం విడుదల పలుమార్లు వాయిదా పడుతూ ఏకంగా ఇప్పుడు సెప్టెంబర్ లో విడుదల చేస్తామని దర్శక వర్గాలు చెప్పడమే ఆయన కోపానికి కారణమని తెలుస్తుంది.

దీంతో బాక్సిఫీసు వద్ద కలెక్షన్లను కొల్లగోట్టి తన సత్తాను చాటుకుందామని భావిస్తున్న ప్రిన్స్ కు అ సమయంలో బాలయ్య సినిమాతో కాంఫిటీషన్ ఏర్పడనుందని సమాచారం. అసలు ఈ సినిమా విడుదల ఎందుకు లేటవుతుందని చూస్తే కేవలం పోస్టు ప్రోడక్షన్ పనుల కోసమేనని సమాచారం. ముందుగా ఈ సినిమాను ఈ వేసవి సెలవుల్లో విడుదల చేయాలనుకున్నారు. కానీ అనుకున్నట్టుగా పనులు పూర్తికాకపోవడంతో జూన్ కి వాయిదా వేసుకున్నారు.

ఇక 'బాహుబలి 2' చూసిన తరువాత 'స్పైడర్'లోని గ్రాఫిక్స్ కూడా ఒక రేంజ్ లో వుండాలని మురుగదాస్ నిర్ణయించుకున్నాడు. అందుకు కొంత సమయం అవసరం కావడంతో, సినిమాను ఆగస్టుకి విడుదల చేయవచ్చని అనుకున్నారు. ఒకవేళ అప్పటికీ గ్రాఫిక్స్ పనులు పూర్తి కాకపోతే, సెప్టెంబర్ లో రిలీజ్ చేయాలనే ఆలోచనలో వున్నాడట, అయితే ఈ సినిమా విడుదలకి ఇంత ఆలస్యం అవుతుండటం మహేశ్ బాబుకి తీవ్రమైన అసహనాన్ని కలిగిస్తోందట. సన్నిహితుల దగ్గర ఆయన అసహనాన్ని వ్యక్తం చేస్తున్నట్టుగా ప్రచారం జరుగుతోంది.