హీరోయిన్.. లవర్... మధ్యలో స్టార్ హీరో?

Posted: 04/29/2017 03:20 PM IST

యంగ్ హీరోయిన్ లవ్ ఎఫైర్ లో మరో హీరో పెట్టిన చిచ్చు గురించి ఇప్పుడు ఫిల్మ్ నగర్ లో చర్చ జరుగుతోంది. తన లవర్ ను పక్కకు పెట్టి ఓ హీరోకు ప్రాధాన్యత ఇవ్వటంతో వారి మధ్య గొడవ మొదలై అది ముదిరిందని తెలుస్తోంది. అయితే దీని వెనుక అపార్థం కూడా ఉందంటూ వాళ్ల సన్నిహిుతులు చెప్పుకుంటున్నారు.

ప్రస్తుతం తెలుగులో పెద్దగా అవకాశాలు లేక ఆ యంగ్ హీరోయిన్ కెరీర్ విషయంలో సతమతమవుతోంది. ఈ దశలో ఇండస్ట్రీలో ఓ స్టార్ ఫ్యామిలీకి చెందిన తన బెస్ట్ ఫ్రెండ్ కమ్ హీరో అయిన హీరో సాయం కోరింది. నిజానికి అతని గత రెండు చిత్రాలు కూడా ఫ్లాపులే. అయినప్పటికీ ఆమె అడిగిందన్న ఒకే ఒక్క రీజన్ తో ఓ సినిమాకు స్లీపింగ్ పార్టనర్ గా ఉంటూ, మంచి పారితోషకం ఇప్పించి ఆమెతో ఓ సినిమా తీయిస్తున్నాడంట.

అయితే ఈ వ్యవహారం అంతా ఆమె బాయ్ ఫ్రెండ్ కు అస్సలు నచ్చలేదంట. సినిమా పేరుతో ఆ యంగ్ హీరోతో అంత క్లోజ్ గా మూవ్ కావటం సాధారణంగానే వారిద్దరి మధ్య చిచ్చు పెట్టింది. నిజానికి వీరిద్దరి మధ్య ఏదో ఉందంటూ ఆ మధ్యే మీడియా కోడై కూసింది. కానీ, తాము జస్ట్ ఫ్రెండ్స్ అంటూ రోటీన్ ఆన్సర్ వాళ్లిచ్చేశారు. ఈ మధ్య ఇద్దరు పార్టీల పేరుతో తరచూ కలుస్తుండటంతో కాలిన ఆ హీరోయిన్ లవర్ పబ్లిక్ గానే వారి బాగోతంపై మండిపడ్డాడంట. ఇక విషయం తెగేదాకా వెళ్లటంతో హీరో సైడ్ అయిపోయి వారిద్దరిని మాట్లాడుక్కోమని చెప్పటం, ప్రస్తుతం ఈ పంచాయితీ వాళ్ల పెద్దల సమక్షంలోనే జరుగుతోందని భోగట్టా.