విజయ్ దేవరకొండ కేసీఆర్ దగ్గరి బంధువా?

Posted: 04/20/2017 03:50 PM IST

ఈ మధ్య పొలిటికల్ లీడర్లు సినిమాల పట్ల తెగ ఆసక్తి చూపించేస్తున్నారు. ఏపీ సీఎం చంద్రబాబు అయితే తన బంధువులైన బాలయ్య, తనయుడు(తమ్ముడి కొడుకు) నారా రోహిత్ సినిమాల పంక్షన్లకు క్రమం తప్పకుండా హాజరవుతుంటాడు. తెలంగాణ మంత్రి కేటీఆర్ ఈ విషయంలో యాక్టివ్ గా ఉన్నప్పటికీ సీఎం కేసీఆర్ మాత్రం అందుకు చాలా దూరం. ఈవెంట్లకు హాజరవ్వటం మాట అటుంచి సినిమాల గురించి గొప్పగా పొగిడిన సందర్భాలు వేళ్ల మీద లెక్కపెట్టుకోవచ్చు. అలాంటిది ఓ చిన్న సినిమా విషయంలో కల్వకుంట్ల ఫ్యామిలీ చూపించిన ఆసక్తి ఆ మధ్య టాక్ ఆఫ్ ది టౌన్ గా మారింది.

అదే పెళ్లి చూపులు. సినిమా రిలీజ్ అయ్యాక స్వయంగా సినిమా చూసిన కేటీఆర్ రివ్యూ ఇవ్వటంతోపాటు, సినిమాను చూసి అభినందిస్తూ ట్వీట్ కూడా వేశాడు. అయితే ఏదైనా పెద్ద సినిమాల విషయంలో ఇది జరిగి ఉంటే పెద్దగా పట్టించుకునే వాళ్లు కాదేమో. కట్ చేస్తే... ఈ మధ్య జాతీయ అవార్డు దక్కించుకున్న పెళ్లి చూపులు చిత్ర యూనిట్ కు తెలంగాణ ముఖ్యమంత్రి కె.చంద్రశేఖరరావు స్వయంగా అభినందనలు తెలియజేయటంతో దీని వెనుక ఏదైనా మతలబు ఉందా అని తవ్వటం ప్రారంభించిన కొందరికి ఓ హింట్ దొరికిందంట. దానిని పట్టుకుని ఇదే స్టోరీ అంటూ కొందరు కథలు రాసేస్తున్నారు.

ఇంతకీ విషయం ఏంటంటే... కేసీఆర్ కుమార్తె కల్వకుంట్ల కవిత భర్త దేవనపల్లి అనిల్ కుమార్ కు పెళ్లి చూపులు హీరో విజయ్ దేవరకొండ దగ్గరి బంధువు అంట. అందుకే వాళ్లంతా ఈ చిన్న సినిమా విషయంలో అంతగా ఇన్ వాల్వ్ అయ్యి రియాక్ట్ అయ్యారనేది కథనం. ఇది వాస్తవమో కాదో తెలీదుగానీ.. కానీ, ఒకవేళ నిజమే అయితే మాత్రం ప్యూఛర్ లో ఈ యంగ్ హీరో సినిమాలకు ఎలాంటి కష్టాలు ఉండవని చెప్పొచ్చు.