రాధికా ఆప్టే, కస్తూరిల కామెంట్లు ఆయనపైనేనా?

Posted: 03/14/2017 01:21 PM IST

సినీ ఇండస్ట్రీలో ఉన్న మేల్ డామినేషన్ గురించి నటి రాధికా ఆప్టే అప్పట్లో కామెంట్లు చేసిన విషయం తెలిసిందే. ముఖ్యంగా తాను చేసిన సినిమాల ద్వారా తనకు తత్వం బోధపడిందని, ఇకపై తెలుగు సినిమాలకు దూరంగా ఉంటానని ఓపెన్ గానే స్టేట్ మెంట్ ఇచ్చింది కూడా. అయితే ఇప్పుడు ఓ సీనియర్ నటి చేసిన కామెంట్లు కూడా సదరు హీరోగారి గురించేనా అన్న చర్చ మొదలైంది.

నటి కస్తూరి రీసెంట్ గా ఓ ఇంగ్లీష్ పత్రిక ఇచ్చిన ఇంటర్వ్యూలో మాట్లాడుతూ... ఓ స్టార్ హీరో తనకు ఎలా అవకాశాలు లేకుండా చేశాడో వివరించింది. స్వతహాగా కోపిష్టి అయిన ఆ హీరో మాట విననందుకు తనకు అవకాశాలు దక్కకుండా చేశాడంటూ పేరు చెప్పకుండానే ఏకీ పడేసింది. అయితే చివర్లో ఆయన ఇప్పుడు రాజకీయంగా చాలా బిజీ అయిపోయాడంటూ చెప్పుకొచ్చింది కూడా.

దీంతో ఆమె చేసిన చిత్రాలను తవ్వటం ప్రారంభించిన కొందరు, ఓ అగ్రహీరో పేరును ఉటంకిస్తూ కథనాలు రాసేస్తున్నారు. ఓవైపు రాధిక ఆప్టే చెప్పిన మాటలను, మరోవైపు కస్తూరి చెప్పిన కామెంట్లను కంపేర్ చేస్తూ సదరు హీరో ఈయేననంటూ చెబుతున్నారు. మరి కస్తూరి క్లూ లు ఇచ్చింది కూడా ఆ హీరో గురించేనంటారా?