పవన్ తో చెర్రీ... ఆ ఛాన్స్ అస్సలు లేదంట!

Posted: 02/18/2017 03:45 PM IST

No clash between ram charan and pawan kalyan movie

సెంటిమెంట్లను పక్కన పెట్టేసి మరీ టాలీవుడ్ లో ఈ మధ్య అన్నీ వరుసగా హిట్లే పడుతూ వస్తున్నాయి. ఇంతకు ముందు క్రిస్మస్, ఫిబ్రవరి నెలలను అన్ సీజన్ గా పేర్కొంటూ సినిమాలు రిలీజ్ చేసేందుకు మేకర్లు పెద్దగా ధైర్యం చేసే వాళ్లు కాదు. అయితే అందులో రెండో దానిని గత కొన్నేళ్లుగా బ్రేక్ చేస్తూ వస్తుండగా, డిసెంబర్ సీజన్ ను మాత్రం మెగా పవర్ స్టార్ రాంచరణ్ తన ధ్రువతో చెరిపిపడేశాడు. నోట్ల రద్దు ప్రభావం ఉన్న సమయంలో కూడా 50 కోట్లకుపైగా వసూలు చేసి అందరినీ ఆశ్చర్యపరిచింది ఆ యాక్షన్ థ్రిల్లర్.

ఇక సంక్రాంతికి పోటీపడి మరీ రిలీజ్ చేసి ఖైదీతో నిర్మాతగా కూడా భారీ లాభాలు వెనకేసుకున్నాడు చెర్రీ. అదే సమయంలో సుకుమార్ తో అల్రెడీ లాంఛ్ చేయగా, త్వరలో రెగ్యులర్ షూటింగ్ త్వరలో ప్రారంభించబోతున్నాడు. ఎట్టి పరిస్థితుల్లో దసరాకు సినిమాను రిలీజ్ చేయాలని ఫ్లాన్ వేసుకుంటున్నాడు. కానీ, రిలీజ్ విషయంలో కాస్త తటపటాయిస్తున్నాడనే ఫిల్మ్ నగర్ లో టాక్. అందుకు కారణం బాబాయ్ పవర్ స్టార్ పవన్ కళ్యాణ్.

మార్చి లో కాటమరాయుడు రిలీజ్ అయిన తర్వాత వెంటనే త్రివిక్రమ్ సినిమా షూటింగ్ ప్రారంభించేసి దసరాకు రిలీజ్ చేయాలన్నదే పవన్ ముందు నుంచి అనుకుంటున్నది. దీంతో చెర్రీ లో కాస్త కంగారు మొదలైంది. అయితే రాజకీయ కమిట్ మెంట్లు ఉన్న పవన్ అనుకున్న సమయానికి సినిమా రిలీజ్ అవ్వటమ కష్టమే కాబట్టి చెర్రీ ధైర్యంగా ప్రోసీడ్ అవ్వొచ్చనేది సినీ విశ్లేషకులు ఇస్తున్న సలహా.