టాలీవుడ్ లో అగ్రహీరోలకు హీరోయిన్ల కొరత

Posted: 02/08/2017 01:36 PM IST

టాలీవుడ్ ప్రస్తుతం తీవ్ర కరువుతో అల్లలాడుతోంది. ముఖ్యంగా అగ్రహీరోల సరసన నటించేందుకు హీరోయిన్లే దొరక్కపోవటంతో మేకర్లు తీవ్ర ఇబ్బందులకు గురవుతున్నారు. హీరోల పక్కన రిపీటెడ్ హీరోయిన్ ను తీసుకోవద్దన్న ఉద్దేశ్యంతోనే ముందుకు సాగటమే ఈ సమస్యకు ప్రధాన కారణంగా మారింది.

ఇంతకు ముందు హీరోయిన్ల విషయంలో ఇంతగా సమస్యలు ఉండేవి కాదు. గత పదేళ్లుగా సమంత, కాజల్, తమన్నా, శృతీహాసన్ లను పదే పదే చూపించినా జనాలు యాక్సెప్ట్ చేశారు. కానీ, ఇప్పుడు పరిస్థితులు మారాయి. క్రేజీ ఉన్న యంగ్ హీరోయిన్లనే తీసుకోవాలన్న అభిమానుల డిమాండ్ ను సూచనల రూపంలో నిర్మాతలకు ఇస్తున్నారు హీరోలు. దీంతో లీడ్ పెయిర్ ఎంపిక ఇప్పుడు చాలా కష్టతరంగా మారిపోయింది.

ఇప్పుడున్న వారిలో రకుల్, అనుపమ, కీర్తి సురేష్ లు లీడ్ హీరోయిన్లు గా చెలామణి అవుతున్నారు. ఇందులో రకుల్ దాదాపు అందరు హీరోలతో జతకట్టడంతో కాస్త ఇబ్బందిగా మారింది. అనుపమ పరమేశ్వరన్ వయసు తక్కువ కావటంతో మహేష్, పవన్ లాంటి స్టార్ హీరోల పక్కన మరీ చిన్న పిల్లలా కనిపిస్తారన్న ఉద్దేశంతో తీసుకునేందుకు తటపటాయిస్తున్నారు. మరోవైపు చిన్న పెద్దా హీరోల తేడా లేకుండా చేస్తున్న కీర్తి సురేష్ లాంటి వాళ్ల డేట్లు దొరకటమే గగనంగా మారింది. ఈ పరిస్థితుల్లో హీరోయిన్ల ఎంపిక వియషంలో తలలు పట్టుకుంటున్నారు.

పోనీ పరభాష నుంచి హీరోయిన్ల దిగుమతి చేద్దామన్న ఒక్కో హీరోయిన్ 3.5 నుంచి 6 కోట్ల దాకా డిమాండ్ చేస్తున్నారు. దీంతో ఉన్న వారిలో ఎవరో ఒకరితో కానిచ్చేస్తే సరిపోతుందన్న భావనలోకి వచ్చేస్తున్న మేకర్లు హీరోలను కన్విన్స్ చేసే పనిలో పడుతున్నారంట.