వెంకీ ఆ రెండు సినిమాలు ఏమయ్యాయి?

Posted: 01/18/2017 02:52 PM IST

టాలీవుడ్ అగ్రహీరోల్లో నలుగురుది ఒక్కో స్టైల్. పదేళ్ల తర్వాత గ్యాప్ వచ్చినప్పటికీ మాస్ ఫాలోయింగ్ తో ఖైదీగా కలెక్షన్లతో కుమ్మిపడేశాడు చిరు. ఇక క్రమం తప్పకుండా హిట్లు కొడుతూ తన పంథాలో సాగిపోతున్నాడు ఎనర్జిటిక్ బాలయ్య. నాగ్ దేమో చాలా ప్రత్యేకమైన శైలి. సినిమా సినిమాకు సంబంధం లేకుండా డిఫరెంట్ సబ్జెక్టులతో ప్రయోగాత్మక సినిమాలు తీస్తూ హిట్లు కొట్టేస్తున్నాడు. ఇక ఈ జాబితాలో మిగిలింది ఒక్క వెంకీనే.

నిజానికి వెంకీ సోలో హిట్ కొట్టి చాలా కాలమైందనే చెప్పుకోవాలి. షాడో నుంచి ఏ సినిమా సరిగ్గా ఆడలేకపోయింది. దీంతో మిగతావాళ్లంతా ప్రయోగాలు చేస్తుంటే.. దగ్గుబాటి హీరో మాత్రం జంకుతున్నాడని చెప్పుకున్నారు. అయితే ఈ క్రమంలోనే గురు సినిమాను ఎంచుకుని తన వైవిధ్యతను బయటపెట్టాడు వెంకీ. నటనకు ఆస్కారం ఉన్న రోల్ తోపాటు, తన ఏజ్ కు తగ్గ పాత్రకు ఎంచుకున్నాడని అంతా ప్రశంసించారు. ఇదే సమయంలో మరో రెండు సినిమాలు అనౌన్స్ చేసి వాటిని నెమ్మదిగా సైడ్ చేయటం కూడా డిస్కషన్ కి కారణం అయ్యింది.

అందులో ఒకటి నేను శైలజ ఫేం తిరుమల కిషోర్ ఆడాళ్లు మీకు జోహార్లు, మరోకటి పూరీ జనగణమన. ఆడాళ్లు... సినిమా రెగ్యులర్ ఎంటర్ టైనర్ కావటం, పైగా కుర్రహీరోయిన్ నిత్యామీనన్ తో రొమాన్స్ చేయాల్సి రావటంతోనే వెంకీ ఈ ప్రాజెక్టు నుంచి డ్రాప్ అయ్యాడని, మరో చిత్రం జనగణమన కూడా కంటెంట్ పరంగా వెంకీ కి నచ్చలేదన. పైగా తర్వాత తీయబోయేది తన 75వ చిత్రం కావటంతో ఆ రెండింటిని హోల్డ్ లో పెట్టి కథా, కథనంలో వైవిధ్యం చూపే క్రిష్ వెంట పడ్డాడని టాక్.