పవన్ కళ్యాణ్ ఈసారైనా నిజమేనా?

Posted: 10/21/2016 12:59 PM IST

Pawan kalayn as chief guest for dhrua audio again

పవర్ స్టార్ పవన్ కళ్యాణ్ ప్రస్తుతం కాటమరాయుడి షూటింగ్ లో తెగ బిజీగా ఉన్నాడు. ఇప్పటికే ఆలస్యం కావటంతో త్వరగతిన మాగ్జిమమ్ షూటింగ్ అపోయిగొట్టేసి, ఈ యేడాది చివర్లో త్రివిక్రమ్ చిత్రాన్ని ప్రారంభించాలని చూస్తున్నాడు. ఇదిలా ఉంటే ఆ మధ్య మెగా బంధం గురించి పుకార్లు లేచిన సందర్భంలో సర్దార్ ఆడియో వేడుక సాక్షిగా మెగా బ్రదర్స్ ఇద్దరు గట్టి సమాధానం ఇచ్చారు. కానీ, ఆ తర్వాత ఎక్కడా మెగా ఇంట పవన్ సందడి లేకుండా పోయింది.

శ్రీజ పెళ్లితోపాటు, బర్త్ డే పంక్షన్ కి, 150 వ చిత్ర విషయంలో ఎక్కడా పవన్ లేకుండా పోయాడు. ఎడతెరపని రాజకీయ షెడ్యూల్ తోనే పవన్ గైర్హాజర్ అయ్యాడన్నది ఎవరికైనా అర్థమైపోతుంది. ప్రస్తుతం సినిమా మోడ్ లో ఉండటంతో మరోసారి ఓ వేడుకలో సందడి చేయవచ్చేనే అంటున్నారు. ధ్రువ ఆడియో వేడుకకు హాజరై చెర్రీని ఆశీర్వదిస్తాడని ఆ మధ్య చెప్పుకున్నాం కూడా. కానీ, సినిమా ఆలస్యం కావటంతో ఆ టాపిక్ కనుమరుగైపోయింది.

డిసెంబర్ 2 ధ్రువ రిలీజ్ డేట్ కన్ఫర్మ్ చేయటం, నవంబర్ 20న ఆడియోకి రంగం సిద్ధం చేస్తుండటంతో మళ్లీ ఇప్పుడు పవన్ వస్తున్నాడంటూ వార్తలు గుప్పుమంటున్నాయి. గతంలో చిరు పేరు వచ్చినప్పటికీ, ఈసారి మాత్రం కేవలం పవన్ మాత్రమే నంటూ అందులో ఉంది. వార్త నిజం అయినా.. కాకపోయినా... మెగా ఈవెంట్ లో పవన్ ఉంటున్నాడన్న వార్తతో మాత్రం అభిమానులు చాలా సంతోషాన్ని ఇస్తుందన్నది వాస్తవం.