యంగ్ హీరో-యాంకర్ సీక్రెట్ వెడ్డింగ్ రూమర్?

Posted: 09/23/2016 12:02 PM IST

టాలీవుడ్ ఇప్పుడిప్పుడే ఎదుగుతున్న ఓ యంగ్ హీరో, ఓ ప్రముఖ యాంకర్ ని పెళ్లి చేసుకున్నాడన్న వార్తలు గత 24 గంటలుగా మీడియాలో చక్కర్లు కొడుతున్నాయి. గత కొంత కాలంగా ప్రేమలో ఉన్న ఈ యువ జంట ఏకంగా పెళ్లి చేసేకున్నారంటూ కొన్ని వెబ్ సైట్లు కన్ఫర్మ్ చేస్తూ ఏకంగా వార్తలు రాసేస్తున్నాయి. అసలీ పుకార్లలో వాస్తవం ఎంత?

ఒక్క సినిమాతో క్రేజ్ సంపాదించుకున్న యంగ్ హీరో ఓ టీవీ షో సందర్భంగా ఆ యంగ్ యాంకర్ కి దగ్గరైయ్యాడంట. గతంలో తన సహచర మేల్ యాంకర్ తో మంచి రిలేషన్ ఉన్నట్లు, త్వరలో పెళ్లి కూడా చేసుకోబోతున్నట్లు వార్తలు కూడా వచ్చాయి. తెర మీద వాళ్ల కెమిస్ట్రీ చూస్తే ఎవరైనా అదే అనుకుంటారు. కానీ, తాము జస్ట్ ఫ్రెండ్స్ అని, తమది అన్నా చెల్లెల రిలేషన్ అని బహిరంగంగా చెప్పుకున్నారు. అయితే తెరవెనుక చెప్పుకునేది ఏంటంటే... ఇంకో తెలుగు యాంకర్ మోజులో పడ్డ సదరు మేల్ యాంకర్ ఆవిడను లైట్ తీసుకోవటంతోనే ఇలా ఫ్రెష్ గా హీరోతో అఫైర్ కొనసాగిస్తోందని టాక్.

ప్రేమ వ్యవహారం మొదలైన కొద్దిరోజులకే ఇరు కుటుంబాలకు తెలియజేశారని, ఇంట్లో వాళ్లు ఒప్పుకోకపోవటంతో ఇంటి నుంచి వెళ్లిపోయిన ఆ ఫిమేల్ యాంకర్ ఏకంగా సీక్రెట్ గా పెళ్లిచేసుకుందని వార్తలు సంచలనం రేపగా, వీటిపై స్పందించేందుకు వారు అందుబాటులో లేరు. మరో హైలెట్ ఏంటంటే... వారిద్దరు కలిసి ఉన్న ఫోటోలను పోస్ట్ చేస్తూ కథనాలను రాసేస్తున్నా వారు మాత్రం పట్టించుకోవటం లేదు.