చెర్రీ ఒప్పుకుంటే జన గణ మన

Posted: 07/20/2016 04:13 PM IST

మహేష్ బాబుతో జన గణ మన అనే ఓ చిత్రం తెరకెక్కబోతుందని కొన్ని రోజుల కిందట దర్శకుడు పూరీ జగన్నాథ్ అఫీషియల్ గా ప్రకటించిన సంగతి తెలిసిందే. అయితే ఈ సినిమా మెగా పవర్ స్టార్ రాంచరణ్ నిర్ణయం పైనే ఆధారపడి ఉండబోతుందని సమాచారం. ఏం సంబంధం అంటారా...

ప్రస్తుతం మహేష్ మురగదాస్ చిత్రం కోసం సిద్ధమైపోతుంటే, చెర్రీ ధ్రువ సినిమా షూటింగ్ లో నిర్విరామంగా పాల్గొంటున్నాడు. ఇక చరణ్ తన తర్వాతి చిత్రం కొరటాల శివ దర్శకత్వంలో చేయబోతున్నాడని ముందుగా అనుకున్నారు. కానీ, మధ్యలో సుకుమార్ ఫార్ములా ఎక్స్ కూడా వచ్చి చేరింది. దీంతో ఆ గ్యాప్ లోకి మహేష్ వచ్చేశాడు. శ్రీమంతుడు బ్లాక్ బస్టర్ కావటంతో మరోసారి శివతోనే సినిమా చేయాలని మహేష్ ఆలోచనలో ఉన్నట్లు వార్తలు వినిపిస్తున్నాయి.

అదే టైంలో చరణ్ సుకుమార్ తో గనక సినిమాకి వెళ్లితే మాత్రం సూపర్ స్టార్ ఖచ్ఛితంగా కొరటాల తోనే చేస్తాడంట. జనతా గ్యారేజ్ ఫలితం చూశాకనే శివతో సినిమా కమిట్ అవ్వాలని చరణ్ ఆలోచనలో ఉన్నాడు. అది త్వరగతిన పూర్తి చేసి సుకుమార్ తో సినిమా చేయాలన్నదే మెగా వారసుడి ఆలోచన. ఈ లెక్కన ఎటొచ్చి ఇజం పూర్తి చేసి మహేష్ కోసం కాచుకుని కూర్చుంటున్న పూరి ‘జన గణ మన’ పైనే ప్రభావం చూపబోతుందని అర్థమౌతోంది.

-భాస్కర్