బ్రహ్మోత్సవం కోసం జనగణమన ఆగుతుందా?

Posted: 05/28/2016 07:33 AM IST

సూపర్ స్టార్ మహేష్ బాబు హీరోగా పివిపి బ్యానర్లో నిర్మాత పరమ్.వి.పోట్లూరి నిర్మించిన తాజా చిత్రం ‘బ్రహ్మోత్సవం’. శ్రీకాంత్ అడ్డాల దర్శకత్వంలో రూపొందిన ఈ సినిమా ఇటీవలే విడుదలై అట్టర్ ఫ్లాప్ టాక్ ను సొంతం చేసుకుంది. ఈ సినిమా బాక్సాఫీస్ వద్ద కలెక్షన్ల మోత మోగిస్తుందని భావించిన వారికి నష్టాలపాలు చేసింది. దీంతో నిర్మాతలకు నష్టాలను తెచ్చిపెట్టింది.

ఈ నష్టాలను భర్తీ చేసేందుకు మహేష్ ఓ నిర్ణయం తీసుకున్నాడని తెలిసింది. ‘బ్రహ్మోత్సవం’ తర్వాత దర్శకుడు మురుగదాస్ దర్శకత్వంలో మహేష్ హీరోగా ఓ సినిమా రూపొందనున్న విషయం తెలిసిందే. ఈ సినిమా తర్వాత మహేష్ చేయబోయే సినిమాను పివిపి బ్యానర్లోనే చేస్తానని నిర్మాత పరమ్.వి.పోట్లూరికి మాటిచ్చినట్లుగా తెలిసింది. దీంతో మహేష్ కు సరిపోయే పర్ఫెక్ట్ కథ కోసం నిర్మాత పరమ్.వి.పోట్లూరి తెగ ప్రయత్నాలు చేస్తున్నట్లుగా తెలిసింది.

తనకు ఇటీవలే ‘ఊపిరి’ సినిమాతో భారీ హిట్టును అందించిన దర్శకుడు వంశీ పైడిపల్లిని దర్శకుడిగా తీసుకొని మహేష్ సినిమా కోసం కథను సిద్ధం చేయమని పరమ్.వి.పోట్లూరి కోరినట్లుగా సినీవర్గాల సమాచారం. అయితే మురుగదాస్ సినిమా తర్వాత మహేష్ పివిపి బ్యానర్ పై చేస్తాడా లేక పూరీ జగన్నాధ్ తో ‘జనగణమన’ చిత్రం చేస్తాడా అనే విషయంపై క్లారిటీ లేదు.

ఒకవేళ అప్పటివరకు వంశీ పైడిపల్లి సరైన కథతో మహేష్ ను మెప్పిస్తే ‘జనగణమన’ కంటే ముందుగా పివిపి సినిమాయే సెట్స్ పైకి వెళ్లే అవకాశం వుంది. లేదంటో 2018 చివర్లోనే పివిపికి అవకాశం దొరికే ఛాన్స్ వుంది. మరి ఏం జరుగనుందో త్వరలోనే తెలియనుంది. మరికొద్ది రోజుల్లోనే మహేష్-మురుగదాస్ ల ప్రాజెక్ట్ సెట్స్ పైకి వెళ్లనుంది. ఈ ప్రాజెక్ట్ కు సంబంధించిన అన్ని వివరాలను అధికారికంగా ప్రకటించనున్నారు.