కంచికి చేరిన స్టూడెంట్స్ ప్రేమాయణం

Posted: 04/23/2016 12:24 PM IST

బాలీవుడ్ ప్రేమజంటలు ఒక్కొక్కటి బ్రేకప్ బాట పడుతున్నాయి. మొన్న రణబీర్-కత్రినా, నిన్న అనుష్క శర్మ-విరాట్ కోహ్లి.. ఇప్పుడు ఇదే బాటలో యువ హీరోహీరోయిన్లు ఆలీయా భట్-సిద్ధార్థ మల్హోత్రాలు చేరినట్లుగా బాలీవుడ్ లో వార్తలు వినిపిస్తున్నాయి. ‘స్టూడెంట్ ఆఫ్ ది ఇయర్’ సినిమాతో ఒకేసారి బాలీవుడ్ సినీ ఇండస్ట్రీలోకి హీరోహీరోయిన్లుగా ఎంట్రీ ఇచ్చిన వీరిద్దరూ.. అప్పటి నుంచి వీరిమధ్య ప్రేమ వ్యవహారం నడుస్తోందని బాలీవుడ్ సినీవర్గాలు కోడైకూస్తున్నాయి.

అయితే గతకొద్ది రోజుల నుంచి ఆలీయా-సిద్ధార్థలు మాట్లాడుకోవడం లేదట. ఎందుకంటే ఇటీవలే జరిగిన ఓ పార్టీలో ఆలీయా మాజీ బాయ్ ఫ్రెండ్.. ఆమెతో చాలా క్లోజ్ గా వుండటం సిద్ధార్థకు నచ్చలేదట... ఈ విషయంపై అతనితో ఆలీయా గొడవ కూడా పెట్టుకుందట. అందువల్ల సిద్ధార్థతో ఆలీయా సరిగ్గా మాట్లాడటం లేదని, ఇటీవలే సిద్ధార్థ ఇచ్చిన ఓ పార్టీకి ఆలీయా హాజరుకాలేదని వార్తలు వినిపిస్తున్నాయి.

అసలే ఇప్పుడిప్పుడే సినిమాల్లో రాణిస్తున్న వీరిద్దరూ ఇలా ప్రేమ పేరుతో వీరి కెరీర్ ను నాశనం చేసుకుంటున్నారని బాలీవుడ్ సినీవర్గాలు అభిప్రాయపడుతున్నాయి. మరి వీరి ప్రేమ పెళ్లి వరకు వెళుతుందో లేక ఒక్కొక్కరు మరొకరిని చూసుకుంటారో అనే విషయం భవిష్యత్తులోనే తెలియనుంది.