ప్రణీతపై కర్ణాటక బుల్డోజర్స్ గరంగరం?

Posted: 02/08/2016 05:20 PM IST

‘అత్తారింటికి దారేది’తో తెలుగులో హీరోయిన్ గా మంచి క్రేజ్ ను దక్కించుకున్న కన్నడ బ్యూటీ ప్రణీతపై కర్నాటక బుల్డోజర్స్ గరంగరం మీదున్నారు. ప్రణీతపై కర్నాటక బుల్డోజర్స్ కు ఎందుకు కోపం? వారికి ప్రణీతకు ఏంటి సంబంధం అని అనుకుంటున్నారా? ప్రణీత కన్నడకు చెందిన నటి.

ప్రస్తుతం సినిమా తారల సిసిఎల్ క్రికెట్ మ్యాచ్ జరుగుతున్న విషయం తెలిసిందే. ఇందులో భాగంగా ప్రణీత తెలుగు వారియర్స్ కు సపోర్ట్ చేస్తోంది. ప్రణీత కన్నడ సినీ ఇండస్ట్రీకి చెందిన వ్యక్తి అయినప్పటికీ... తనకు హీరోయిన్ గా మంచి క్రేజ్ ను తెచ్చిన తెలుగు ఇండస్ట్రీకే సపోర్ట్ చేయాలని నిర్ణయించుకుంది.

ఇదిలా వుంటే తాజాగా తెలుగు వారియర్స్ మరియు కర్నాటక బుల్డోజర్స్(కన్నడ సినీ ఇండస్ట్రీ)కు మధ్య మ్యాచ్ జరిగింది. ఈ మ్యాచ్ లో కూడా ప్రణీత తెలుగు వారియర్స్ కే సపోర్ట్ చేసింది. కానీ సీన్ రివర్స్ అయ్యింది. ఈ మ్యాచ్ లో కర్నాటక బుల్డోజర్స్ విజయం సాధించారు. దీంతో తమ కన్నడ ఇండస్ట్రీయే గెలిచిందని ప్రణీత అనుకున్నప్పటికీ... కర్ణాటక బుల్డోజర్స్ మాత్రం ప్రణీతపై గరంగరం గా వున్నారని తెలిసింది.

తమకు సపోర్ట్ చేయకుండా తెలుగు వారియర్స్ కు సపోర్ట్ చేస్తున్న ప్రణీతపై కర్నాటక బుల్డోజర్స్ కోల్డ్ వార్ తో వున్నారని సమాచారం. ఈ దెబ్బతో కన్నడంలో ప్రణీతకు అవకాశాలు తక్కువయ్యే అవకాశాలు వున్నాయంటూ కొందరు కామెంట్లు చేస్తుంటే... కన్నడ సినీతారలు ఇలాంటివేమి పట్టించుకోరంటూ మరికొందరూ అంటున్నారు. మరి ఈ సిసిఎల్ వల్ల ప్రణీతకు భవిష్యత్తులో కన్నడంలో ఎక్కువ ఆఫర్లు వస్తాయో లేక తెలుగులో ఎక్కువ ఆఫర్లు వస్తాయో చూడాలి.