సుప్రీం హీరోతో కళ్యాణ్ రామ్ మల్టీస్టారర్?

Posted: 02/03/2016 04:22 PM IST

మెగా ఫ్యామిలీ హీరో, నందమూరి ఫ్యామిలీ హీరో కలిసి నటిస్తే చూడాలని చాలా మంది అనుకుంటారు కానీ సాధ్యపడట్లేదు. కానీ మెగా, నందమూరి హీరోలు కలిసి ఓ మల్టీస్టారర్ సినిమా చేయడానికి సిద్ధంగా వున్నట్లుగా తెలుస్తోంది. ప్రస్తుతం వరుస సినిమాలతో దూసుకుపోతున్న సుప్రీం హీరో సాయిధరమ్ తేజ. ‘పిల్లా నువ్వులేని జీవితం’, ‘సుబ్రమణ్యం ఫర్ సేల్’ వంటి వరుస హిట్ చిత్రాల తర్వాత ప్రస్తుతం సాయిధరమ్ తేజ హీరోగా ‘సుప్రీం’ అనే సినిమా తెరకెక్కుతోంది.

ఈ సినిమా తర్వాత సాయిధరమ్ తేజ ఓ మల్టీస్టారర్ చిత్రం చేయనున్నాడని వార్తలొస్తున్నాయి. ఈ మల్టీస్టారర్ లో నందమూరి కళ్యాణ్ రామ్, సాయిధరమ్ తేజ్(తేజ్) లు కలిసి నటించనున్నారని సమాచారం. ఈ చిత్రానికి ఎ.ఎస్.రవికుమార్ చౌదరి దర్శకత్వం వహించనున్నాడని సమాచారం. ఇప్పటికే ఈ చిత్రానికి సంబంధించిన స్టోరీ లైన్ ను సాయిధరమ్ తేజ్ కు వినిపించగా.. తేజ్ గ్రీన్ సిగ్నల్ ఇచ్చాడని తెలిసింది. ఇక కళ్యాణ్ రామ్ నుంచి గ్రీన్ సిగ్నల్ వస్తే ఈ ప్రాజెక్టు సెట్స్ పైకి వెళ్లడం ఖాయం.

అన్ని కుదిరితే ఈ ప్రాజెక్టు త్వరలోనే సెట్స్ పైకి వెళ్లనుంది. కానీ దర్శకుడు విషయంలో కాస్త అభిమానులు కంగారుపడుతున్నారు. తేజ్ తో ‘పిల్లా నువ్వులేని జీవితం’ అనే హిట్టిచ్చి, ఆ తర్వాత ‘సౌఖ్యం’ అనే అట్టర్ ఫ్లాప్ చిత్రం తీసాడు. మరి ఈ మల్టీస్టారర్ సినిమాను ఎలా తీస్తాడోనని మెగా, నందమూరి అభిమానుల్లో టెన్షన్ మొదలయ్యింది. ఏదేమైనా త్వరలోనే అన్ని వివరాలు తెలియనున్నాయి.