ఎన్టీఆర్ పేరుతో బాలయ్య 100వ చిత్రం?

Posted: 01/29/2016 10:02 AM IST

నందమూరి బాలకృష్ణ నటించిన ‘డిక్టేటర్’ చిత్రంతో 99 సినిమాలు పూర్తయ్యాయి. మరి 100వ సినిమా ఎలా వుండబోతుందనే విషయంపై తెలుగు ఇండస్ట్రీలో ఓ ఆసక్తి నెలకొంది. బాలయ్య చేయబోయే 100వ సినిమా కోసం ఇప్పటికే ఇద్దరు దర్శకులు ఫైనలైజ్ అయ్యారు. అందులో ఒకరు బోయపాటి శ్రీను, మరొకరు సింగీతం శ్రీనివాస రావు.

బాలయ్యతో ఇప్పటికే ‘సింహా’, ‘లెజెండ్’ వంటి వరుస బ్లాక్ బస్టర్ హిట్ చిత్రాలను రూపొందించిన బోయపాటి శ్రీనివాస్ దర్శకత్వంలోనే బాలయ్య 100వ సినిమా తెరకెక్కనుందని టాలీవుడ్ సినీవర్గాల టాక్. ఇప్పటికే కథాచర్చలు పూర్తయ్యాయని, ప్రీ ప్రొడక్షన్ కార్యక్రమాలు జరుగుతున్నాయని తెలిసింది. ఇదిలా వుంటే ఈ ప్రాజెక్టుకు ఓ పవర్ ఫుల్ టైటిల్ ను పరిశీలిస్తున్నారు.

బాలయ్య-బోయపాటి శ్రీనుల ఈ క్రేజీ ప్రాజెక్టుకు ‘రామారావు గారు’ అనే టైటిల్ ను పరిశీలిస్తున్నట్లుగా తెలుస్తోంది. ఇక ఇదిలా వుంటే సింగితం శ్రీనివాస్ రావు దర్శకత్వంలో ‘ఆదిత్య 999’ పేరుతో బాలయ్య 100వ చిత్రం రూపొందనుందంటూ వార్తలొస్తున్నాయి. మరి ఈ రెండింటిలో ఏ ప్రాజెక్టుకు ఫైనలైజ్ కానుందో మరికొద్ది రోజుల్లో తెలియనుంది.