అనుష్క స్థానంలోకి సమంత రానుందా?

Posted: 01/29/2016 09:34 AM IST

గతకొద్ది కాలంగా సినిమాలకు దూరంగా వున్న కృష్ణవంశీ ఇటీవలే ‘గోవిందుడు అందరివాడేలే’ సినిమాతో ప్రేక్షకుల ముందుకొచ్చారు. కుటుంబ అనుబంధాలు, అప్యాయతలతో రూపొందిన ఈ సినిమాపై భారీ అంచనాలే ఏర్పడ్డాయి కానీ.. అనుకున్న స్థాయిలో సినిమా వుండకపోవడంతో ఘోర పరాజయం పాలయ్యింది.

‘గోవిందుడు అందరివాడేలే’ ఫ్లాప్ తర్వాత కృష్ణవంశీ మీడియాకు దూరంగా వుంటున్నారు. కానీ తన కొత్త ప్రాజెక్టుకు సంబంధించిన పనుల్లో బిజీ అయ్యారు. కృష్ణవంశీ దర్శకత్వంలో నటుడు ప్రకాష్ రాజ్, నిర్మాత దిల్ రాజు సంయుక్తంగా ఓ సినిమా నిర్మించనున్నారని తెలిసింది. ఈ సినిమాకు ‘రుద్రాక్ష’ అనే టైటిల్ ను పరిశీలిస్తున్నట్లుగా సమాచారం.

ఇదిలా వుంటే.. లేడి ఓరియెంటెడ్ తరహాలో రూపొందనున్న ఈ ప్రాజెక్టులో ముందుగా అనుష్కను హీరోయిన్ గా అనుకున్నారు. కానీ అనుష్క ప్రస్తుతం వరుస సినిమాలతో బిజీగా వుండటం వల్ల, డేట్స్ సర్దుబాటుకాలేక ఈ ప్రాజెక్టుకు నో చెప్పిందట. తాజా సమాచారం ప్రకారం ఇందులో హీరోయిన్ గా సమంతను ఎంపిక చేసుకున్నట్లుగా తెలిసింది. మరికొద్ది రోజుల్లోనే అన్ని వివరాలను అధికారికంగా ప్రకటించనున్నారు.