విజయ్ ‘థేరి’కి మెగాపవర్ స్టార్ టైటిల్?

Posted: 11/30/2015 10:53 AM IST

మెగాపవర్ స్టార్ రాంచరణ్ తేజ హీరోగా ‘మెరుపు’ అనే సినిమా ముహూర్త కార్యక్రమాలు జరుపుకొని, ఆగిపోయిన విషయం తెలిసిందే. మొత్తం మీద ఆ ప్రాజెక్టు అటకెక్కయడంతో, దాని సంగతే మర్చిపోయారు. అయితే ఆ ప్రాజెక్టుకు పెట్టిన టైటిల్ ను తమిళ స్టార్ హీరో, ఇళయథలపతి సొంతం చేసుకున్నట్లుగా తెలుస్తోంది.

తమిళంలో విజయ్ హీరోగా నటిస్తున్న తాజా చిత్రం ‘తేరి’. ‘రాజా రాణి’ వంటి హిట్ చిత్రాన్ని తెరకెక్కించిన దర్శకుడు అట్లీ దర్శకత్వంలో తెరకెక్కుతునన్న ఈ చిత్రాన్ని కలైపులి ఎస్.థాను సమర్పణలో వి క్రియేషన్స్ బ్యానర్ పై కలైపులి ఎస్.థాను భారీ బడ్జెట్ తో నిర్మిస్తున్నారు.

ఇప్పటి వరకు విజయ్ నటించిన పలు చిత్రాలు తెలుగులో విడుదలయ్యి, మంచి విజయం సాధించాయి. అయితే ‘థేరి’ చిత్రాన్ని కూడా తెలుగులో విడుదల చేయడానికి సన్నాహాలు చేస్తున్నారు. తెలుగు వర్షెన్ కోసం ‘మెరుపు’ టైటిల్ ను పరిశీలిస్తున్నారు. త్వరలోనే అధికారికంగా ప్రకటించనున్నారు. ఇటీవలే విడుదలైన ‘థేరి’ ఫస్ట్ లుక్ పోస్టర్లకు భారీ రెస్పాన్స్ వస్తోంది.

ఇందులో విజయ్ సరసన సమంత, అమీ జాక్సన్ లు హీరోయిన్లుగా నటిస్తున్నారు. ప్రస్తుతం ఈ చిత్ర షూటింగ్ గోవాలో శరవేగంగా జరుగుతోంది. ఈ చిత్రాన్ని వచ్చే ఏడాది వేసవి సెలవుల్లో విడుదల చేయడానికి సన్నాహాలు చేస్తున్నారు. జివి. ప్రకాశ్ కుమార్ సంగీతం అందిస్తున్నాడు.