రుద్రమదేవి సీక్వెల్ మనవడు ప్రతాపరుద్రుడు?

Posted: 08/05/2015 10:16 AM IST

అనుష్క, అల్లు అర్జున్, రానా ప్రధాన పాత్రలలో నటించిన తాజా చిత్రం ‘రుద్రమదేవి’. ఫస్ట్ ఇండియన్ హిస్టారికల్ స్టీరియో స్కోపిక్ చిత్రంగా రూపొందుతున్న ‘రుద్రమదేవి’పై ప్రస్తుతం భారీ అంచనాలే నెలకొన్నాయి. ప్రముఖ దర్శకుడు స్వీయ దర్శకనిర్మాణంలో తెరకెక్కిన ఈ చిత్రానికి ఇళయరాజా సంగీతం అందించారు.

భారీ బడ్జెట్ తో తెరకెక్కుతున్న ఈ చిత్రం ఇప్పటికే షూటింగ్ పూర్తి చేసుకొని గతకొద్ది కాలంగా విడుదలకు నోచుకోకుండా వాయిదా పడుతూ వస్తోంది. అయితే ఈ సినిమా నిర్మాణం కోసం నిర్మాత చాలా కష్టపడ్డట్లుగా తెలిసింది. కానీ ఈ సినిమా రెండో భాగం కోసం మళ్లీ గుణశేఖర్ ప్రయత్నాలు సాగిస్తున్నట్లుగా తెలిసింది.

‘రుద్రమదేవి’ సీక్వెల్ కోసం గుణశేఖర్ ప్రయత్నాలు మొదలుపెట్టినట్లుగా తెలిసింది. తాజాగా ‘ప్రతాపరుద్రుడు’ అనే టైటిల్ ను ఫిల్మ్ ఛాంబర్ లో గుణశేఖర్ రిజిస్టర్ చేయించాడు. ‘ది లాస్ట్ ఎంపరర్’ అనేది ఉపశీర్షిక. రుద్రమదేవి కుమార్తె కొడుకు ప్రతాపరుద్రుడు. రుద్రమదేవి తర్వాత కాకతీయ సామ్రాజ్యాన్ని సమర్థవంతంగా పరిపాలించిన రాజు ఇతను. ప్రతాపరుద్రుడు కాకతీయ సామ్రాజ్యాన్ని భారీగా విస్తరింపచేసిన మహారాజు. అలాంటి వీరుడి కథతో గుణశేఖర్ ‘రుద్రమదేవి’ సీక్వెల్ గా తీయడానికి ప్లాన్ చేస్తున్నాడు.

ప్రస్తుతం ఈ చిత్రానికి సంబంధించిన స్ర్కిప్టు పనులు కూడా చివరి దశకు చేరుకున్నట్లుగా తెలిసింది. ప్రస్తుతం ‘రుద్రమదేవి’ చిత్ర పోస్ట్ ప్రొడక్షన్ పనులు శరవేగంగా జరుగుతున్నాయి. ఈ చిత్రాన్ని సెప్టెంబర్ 4వ తేదిన ప్రపంచ వ్యాప్తంగా విడుదల చేయనున్నట్లుగా చిత్ర యూనిట్ అధికారికంగా ప్రకటించారు.

రానా, కృష్ణంరాజు, ప్రకాశ్ రాజ్, నిత్యామీనన్, కెథరిన్, హంసా నందిని, అజయ్ తదితరులు ముఖ్య పాత్రలలో నటించారు. పాటలు ఇటీవలే విడుదలై మంచి టాక్ ను సొంతం చేసుకున్నాయి. భారీ బడ్జెట్ తో ప్రతిష్టాత్మకంగా తెరకెక్కుతున్న ‘రుద్రమదేవి’ చిత్రం ఎలాంటి విజయం సాధించనుందో మరికొద్ది రోజుల్లోనే తెలియనుంది.