మిల్కీబ్యూటీతో ఎన్టీఆర్ హాటు ఐటెం సాంగ్

Posted: 07/29/2015 12:30 PM IST

మిల్కీ బ్యూటీ తమన్నా వరుస చిత్రాలతో హీరోయిన్ గా బిజీగా వున్నప్పటికీ పలు చిత్రాల్లో హాట్ ఐటెం సాంగుల్లో నటిస్తూ అలరిస్తున్న విషయం తెలిసిందే. ఇటీవలే విడుదలైన ‘అల్లుడు శీను’ సినిమాలో ఐటెం సాంగ్ లో కనిపించి పిచ్చెక్కించేసింది. తాజాగా మరోసారి హాట్ ఐటెం సాంగ్ లో నటించడానికి సిద్ధమవుతున్నట్లుగా తెలిసింది.

దర్శకుడు సుకుమార్ తీసే ప్రతి సినిమాలో కూడా ఏదో ఒక ఐటెం సాంగ్ తప్పకుండా వుంటుందనే విషయం తెలిసిందే. తన మొదటి సినిమా ‘ఆర్య’ నుంచి ఇటీవలే విడుదలైన ‘1 నేనొక్కడినే’ వరకు అన్ని సినిమాల్లో కూడా ఏదో ఒక ఐటెం సాంగ్ ను పెట్టి అలరిస్తున్నారు.

కానీ ప్రతి ఐటెం సాంగులో కూడా హాటు ఐటెం భామలే నటించారు. కానీ తాజాగా ఈ ఐటెం సాంగ్ లో తమన్నా నటించబోతున్నట్లుగా వార్తలొస్తున్నాయి. సుకుమార్ దర్శకత్వంలో యంగ్ టైగర్ ఎన్టీఆర్ హీరోగా ఓ చిత్రం తెరకెక్కుతున్న విషయం తెలిసిందే. రకూల్ ప్రీత్ సింగ్ హీరోయిన్ గా నటిస్తుంది ఇటీవలే ఈ చిత్ర షూటింగ్ లండన్ లో ప్రారంభమయ్యింది.

Video Courtesy : Sri Venkateswara Cine Chitra

అయితే ఈ సినిమాలోని ఓ ఐటెం సాంగ్ కోసం మిల్కీ బ్యూటీ తమన్నాను ఎంపిక చేసుకున్నట్లుగా తెలిసింది. ఇక మరి ఎన్టీఆర్ తో ఈ ఐటెం సాంగ్ లో నటిస్తుందో లేదో త్వరలోనే తెలియనుంది. బివిఎస్ఎన్ ప్రసాద్ నిర్మిస్తున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.