ఒక్క పాత్ర కోసం 18కోట్లు తీసుకుంటుందట!

Posted: 07/28/2015 06:08 PM IST

Hot vidya balan demands huge remuneration

బాలీవుడ్ హాట్ బ్యూటీ విద్యాబాలన్ మరోసారి వార్తల్లో నిలిచింది. ఒకప్పుడు ఎన్ని సినిమాల్లో నటించిన కూడా గుర్తింపు దక్కని ఈ భామకు ఒక్క హాట్ చిత్రంలో నటించేసరికి దేశవ్యాప్తంగా భారీ గుర్తింపును తెచ్చిపెట్టింది. ఈ ఒక్క సినిమాతో ‘గోల్డెన్ లెగ్’ హీరోయిన్ గా మారిపోయింది.

విద్యాబాలన్ నటించిన ‘డర్టీ పిక్చర్’ సినిమా ఘనవిజయం సాధించి, ఈ అమ్మడికి భారీ క్రేజ్ ను తెచ్చిపెట్టింది. ఈ ఒక్క సినిమాతోనే విద్యాబాలన్ ను స్టార్ హీరోయిన్ గా మార్చేసింది. ఈ సినిమా తర్వాత విద్యాబాలన్ నటించిన పలు చిత్రాలు విజయం సాధించాయి. దీంతో ఈ అమ్మడు కూడా తన రెమ్యునరేషన్ ను భారీగా పెంచేసింది.

కానీ ఈ మధ్య విద్యాబాలన్ నటిస్తున్న సినిమాలు అంతగా విజయం సాధించడం లేదు. అయినా కూడా ఈ అమ్మడి మార్కెట్ మాత్రం తగ్గడం లేదు. వరుసగా సినీ అవకాశాలు వస్తూనే వున్నాయి. తాజాగా ఇందిరా గాంధీ జీవిత చరిత్ర ఆధారంగా హిందీలో ఓ చిత్రం తెరకెక్కనుంది. ఇందులో ఇందిరాగాంధీ పాత్రలో విద్యాబాలన్ నటించనుంది.

ఈ పాత్రలో నటించడానికి విద్యాబాలన్ అక్షరాల 18కోట్ల రూపాయల రెమ్యునరేషన్ డిమాండ్ చేసిందట. ఇందుకు చిత్ర నిర్మాతలు కూడా విద్యాబాలన్ అడిగినంత రెమ్యునరేషన్ ఇవ్వడానికి సిద్ధంగానే వున్నారని సమాచారం. ఈ సినిమా హిట్టయితే మాత్రం విద్యాబాలన్ క్రేజ్ మరింత పెరిగిపోవడం, అలాగే విద్యా తన రెమ్యునరేషన్ ను కూడా పెంచేసుకోవడం ఖాయమంటున్నారు బాలీవుడ్ సినీజనాలు. మరి భవిష్యత్తులో ఏం జరుగనుందో త్వరలోనే తెలియనుంది.