రాశిఖన్నాతో సాయిధరమ్ తేజ రొమాన్స్?

Posted: 07/06/2015 05:57 PM IST

నందమూరి కళ్యాణ్ రామ్ హీరోగా నటించిన ‘పటాస్’ సినిమాతో దర్శకుడిగా ఎంట్రీ ఇచ్చి, తొలి భారీ విజయాన్ని అందుకున్న అనిల్ రావిపూడి తన రెండవ సినిమా విషయంలో బిజీగా వున్నాడు. అనిల్ రావిపూడి దర్శకత్వంలో సాయిధరమ్ తేజ హీరోగా ఓ చిత్రం తెరకెక్కనున్న విషయం తెలిసిందే. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్లో ప్రముఖ నిర్మాత దిల్ రాజు నిర్మించనున్నాడు.

అయితే ఈ సినిమాలో సాయిధరమ్ తేజ సరసన హీరోయిన్ గా బబ్లీ హీరోయిన్ రాశిఖన్నాను ఎంపిక చేసినట్లుగా తెలిసింది. రాశిఖన్నా నటిస్తున్న చిత్రాలన్నీ కూడా విజయం సాధిస్తుండటంతో ప్రస్తుతం ఈ అమ్మడికి భారీ క్రేజ్ ఏర్పడింది. పైగా అందం, అభినయం, హాట్ లుక్స్ ప్లస్ పాయింట్స్ గా నిలుస్తున్నాయి.

ఇటీవలే రాశిఖన్నాకు దర్శకుడు అనిల్ రావిపూడి ఈ చిత్ర కథను వినిపించారట. స్టోరీ బాగా నచ్చి వెంటనే గ్రీన్ సిగ్నల్ ఇచ్చినట్లుగా తెలిసింది. త్వరలోనే అదికారికంగా ప్రకటించనున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. త్వరలోనే ఈ ప్రాజెక్టును సెట్స్ పైకి తీసుకెళ్లనున్నారు.