బన్నీతో మరోసారి రొమాన్స్ చేయనున్న కెథరిన్?

Posted: 07/03/2015 10:50 AM IST

Catherine tresa again romance with allu arjun

‘ఇద్దరమ్మాయిలతో’ సినిమాలో హాట్ హీరోయిన్ గా ఎంట్రీ ఇచ్చిన కేథరిన్ థ్రెసా ఈ సినిమాలో తన తొడల అందాలతో పిచ్చెక్కించేసింది. హాట్ హాట్ గా కనిపించి కుర్రకారుకు మతిపోగొట్టేసింది. ఈ సినిమా కమర్షియల్ గా భారీ విజయం సాధించకపోయినప్పటికీ కెథరిన్ కు మాత్రం వరుస అవకాశాలు తెచ్చిపెట్టాయి. తాజాగా కెథరిన్ మరోసారి బన్నీతో కలిసి రొమాన్స్ చేయనుంది.

తాజాగా మళ్లీ వీరిద్దరూ కలిసి ‘రుద్రమదేవి’ సినిమాలో నటించారు. ‘రుద్రమదేవి’ సినిమాలో అల్లు అర్జున్ ‘గోన గన్నారెడ్డి’ పాత్రలో నటించగా, కెథరిన్ ‘అనామిక’ పాత్రలో నటించింది. అయితే తాజాగా మళ్లీ ఈ జంట ముచ్చటగా మూడోసారి జతకట్టనున్నారు. బన్నీ హీరోగా దర్శకుడు బోయపాటి శ్రీను దర్శకత్వంలో ఓ చిత్రం తెరకెక్కనున్న విషయం తెలిసిందే.

ఇందులో బన్నీ సరసన మొదటి హీరోయిన్ గా రకుల్ ప్రీత్ సింగ్ ను ఖరారు చేసారు. అయితే రెండవ హీరోయిన్ గా కెథరిన్ ను ఎంపిక చేసినట్లుగా తెలిసింది. బోయపాటి చెప్పిన స్టోరీ లైన్ బాగా నచ్చడంతో కెథరిన్ వెంటనే గ్రీన్ సిగ్నల్ ఇచ్చేసినట్లుగా తెలిసింది. గీతా ఆర్ట్స్ బ్యానర్ పై నిర్మాత అల్లు అరవింద్ నిర్మించనున్న ఈ చిత్రానికి థమన్ సంగీతం అందించనున్నాడు. జులై 17 నుంచి రెగ్యులర్ షూటింగ్ ప్రారంభం కానుంది. త్వరలోనే అన్ని వివరాలు అధికారికంగా ప్రకటించనున్నారు.