బాలయ్యతో మరోసారి లెజెండ్ భామ రొమాన్స్

Posted: 07/02/2015 04:55 PM IST

‘లెజెండ్’ సినిమా భామలకు బాలయ్యతో నటించే అవకాశం బాగానే దక్కింది. నందమూరి బాలకృష్ణ హీరోగా నటించిన ‘లెజెండ్’ సినిమాలో రాధిక ఆప్టే, సోనాల్ చౌహన్ లు హీరోయిన్లుగా నటించారు. రాధిక ఆప్టే ఇప్పటికే ‘లెజెండ్’ తో పాటు తాజాగా బాలయ్య నటించిన ‘లయన్’ సినిమాలో కూడా ఓ హీరోయిన్ గా నటించింది. అయితే ఇపుడు మరో భామ సోనాల్ చౌహన్ కు కూడా సెకండ్ ఆఫర్ దక్కింది.

‘లయన్’ చిత్రం తర్వాత నందమూరి బాలకృష్ణ హీరోగా ‘డిక్టేటర్’ చిత్రం తెరకెక్కుతున్న విషయం తెలిసిందే. ప్రముఖ దర్శకుడు శ్రీవాస్ దర్శకత్వంలో రూపొందుతున్న ఈ చిత్రాన్ని బాలీవుడ్ భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ ప్రతిష్టాత్మకంగా నిర్మిస్తుంది. కథ-స్క్రీన్ ప్లే: కోన వెంకట్, గోపీ మోహన్ లు అందిస్తున్నారు.

ఇందులో ఒక హీరోయిన్ గా అంజలిని ఇప్పటికే ఖరారు చేసారు. మరో హీరోయిన్ గా సోనాల్ చౌహన్ ను తాజాగా ఎంపిక చేసారు. ‘డిక్టేటర్’ సినిమాలో బాలయ్యతో కలిసి సోనాల్ మరోసారి ఆడిపాడనుంది. ఈ సినిమా త్వరలోనే సెట్స్ పైకి వెళ్లనుంది. సినిమాటోగ్రఫీ: శ్యామ్ కె. నాయుడు, సంగీతం: థమన్ అందిస్తున్నారు.