బాలీవుడ్ హాట్ బ్యూటీతో సునీల్ రొమాన్స్?

Posted: 07/01/2015 05:55 PM IST

‘భీమవరం బుల్లోడు’ సినిమా తర్వాత సునీల్ హీరోగా సునీల్ హీరోగా ‘జోష్’ ఫేం దర్శకుడు వాసు వర్మ దర్శకత్వంలో ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్ పై ఓ చిత్రాన్ని నిర్మిస్తున్నాడు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇదే కాకుండా ఇటీవలే వంశీ ఆకెళ్ల దర్శకత్వంలో సునీల్ ఓ సినిమా చేయనున్నాడు.

త్వరలోనే ఈ ప్రాజెక్టు రెగ్యులర్ షూటింగ్ మొదలు కానుంది. అయితే ఇందులో సునీల్ సరసన హీరోయిన్ గా బాలీవుడ్ భామను ఎంపిక చేసినట్లుగా తెలిసింది. హిందీలో ‘రాక్ ఆన్’, ‘వన్స్ అపాన్ అ టైం ఇన్ ముంబై’, ‘బోల్ బచ్చన్’ సినిమాలతో మెప్పించిన బాలీవుడ్ బ్యూటీ ప్రాచి దేశాయ్ ను సునీల్ సరసన హీరోయిన్ గా ఎంపిక చేసినట్లుగా తెలిసింది.

ఇటీవలే ప్రాచి దేశాయ్ ను వంశీ ఆకెళ్ల కలిసి ఈ సినిమా కథ వినిపించాడట, ప్రాచికి ఈ కథ నచ్చడంతో గ్రీన్ సిగ్నల్ ఇచ్చే ఆలోచనలో వున్నట్లుగా తెలిసింది. త్వరలో అధికారికంగా ప్రకటించనున్నారు. ప్రేమకథా చిత్రమ్’ నిర్మాత అయిన సుదర్శన్ రెడ్డి ఆర్.ఫై.ఏ క్రియేషన్స్ బ్యానర్ పై ఈ సినిమాని నిర్మిస్తున్నాడు. త్వరలోనే అన్ని వివరాలు అధికారికంగా తెలియజేయనున్నారు.