అంజలిపై ఆయన ఎక్కువ దృష్టి పెట్టాడా?

Posted: 06/29/2015 12:14 PM IST

Anjali special role in nikhil shankarabharanam

‘సీతమ్మ వాకిట్లో సిరిమల్లె చెట్టు’ సినిమా తర్వాత అంజలి ప్రధాన పాత్రలో నటించిన చిత్రం ‘గీతాంజలి’. కోన వెంకట్ సమర్పణలో తెరకెక్కిన ఈ చిత్రంలో అంజలి ప్రధాన పాత్రలో నటించింది. ఈ చిత్రానికి కోన వెంకట్ స్క్రీన్ ప్లే, డైలాగ్స్ ను అందించాడు. ఈ సినిమా మంచి విజయం సాధించింది. అయితే ఈ సినిమా నుంచి అంజలిని కోన వెంకట్ బాగా ప్రోత్సహిస్తున్నట్లుగా టాలీవుడ్ లో గుసగుసలు వినిపిస్తున్నాయి.

ఈ సినిమా తర్వాత అంజలి ఓ కారు కొన్నదని, ఆ కారును కోనవెంకట్ గిఫ్టుగా ఇచ్చాడని అప్పట్లో వార్తలొచ్చాయి. దీంతో వీరిద్దరి మధ్య ఏదో నడుస్తోందటూ పుకార్లు ఎక్కువయ్యాయి. అయినా కూడా వీరిద్దరూ ఏం పట్టించుకోకుండా వారి పని వారు చేసుకుంటూ వెళ్లిపోతున్నారు. తాజాగా నందమూరి బాలకృష్ణ నటిస్తున్న ‘డిక్టేటర్’ చిత్రానికి కోన వెంకట్ కథ, మాటలు అందిస్తున్నారు.

ఇందులో హీరోయిన్ గా అంజలిని కోన వెంకట్ రికమెండ్ చేసాడని టాలీవుడ్ టాక్. అయితే తాజాగా మరో సినిమాలో కూడా అంజలిని కోన వెంకట్ ముఖ్య పాత్ర కోసం తీసుకున్నాడని తెలిసింది. నిఖిల్ హీరోగా తెరకెక్కుతున్న తాజా చిత్రం ‘శంకరాభరణం’. ఈ సినిమా కూడా కోన వెంకట్ సమర్పణలో తెరకెక్కుతోంది. అంతే కాకుండా ‘శంకరాభరణం’ సినిమాకు కోనవెంకట్ కథ, స్ర్కీన్ ప్లే, డైలాగ్స్ ను అందిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతుంది. ఇందులో ఓ దొంగల ముఠా గ్యాంగ్ కు లీడర్ పాత్రలో అంజలిని తీసుకున్నట్లుగా తెలిసింది. త్వరలోనే ఈ చిత్ర షూటింగ్ లో అంజలి పాల్గొనుందని సమాచారం. మరి కోన వెంకట్ ఇంకెన్ని సినిమాల్లో అంజలిని తీసుకుంటాడో అని సినీవర్గాల్లో గుసగుసలు వినిపిస్తున్నాయి.

MVV సినిమా బ్యానర్ పై నిర్మాత ఎంవివి సత్యనారాయణ నిర్మిస్తున్న ఈ చిత్రం ద్వారా ఉదయ్ నందనవనం దర్శకుడిగా పరిచయమవుతున్నాడు. నిఖిల్ సరసన నందిత హీరోయిన్ గా నటిస్తుంది. క్రైం కామెడీ థ్రిల్లర్ నేపథ్యంలో తెరకెక్కుతున్న ఈ చిత్ర షూటింగ్ త్వరగా పూర్తి చేసుకొని, త్వరలోనే ప్రేక్షకుల ముందుకు తీసుకురావడానికి చిత్ర యూనిట్ ప్రయత్నిస్తున్నారు. త్వరలోనే మరిన్ని వివరాలు తెలియనున్నాయి.