అమ్ముడుపోయిన శ్రీమంతుడు శాటిలైట్ రైట్స్

Posted: 05/28/2015 03:57 PM IST

Mahesh babu srimanthudu satellite rights sold out

‘మిర్చి’ ఫేం కొరటాల శివ దర్శకత్వంలో మహేష్ బాబు, శృతిహాసన్ హీరోహీరోయిన్లుగా నటిస్తున్న తాజా చిత్రం ‘శ్రీమంతుడు’. ఈ చిత్రాన్ని మైత్రి మూవీస్ బ్యానర్ పై నిర్మిస్తున్నారు. యువ సంగీత దర్శకుడు దేవిశ్రీప్రసాద్ సంగీతం అందిస్తున్నాడు.

ఈ చిత్ర షూటింగ్ శరవేగంగా జరుగుతుంది. షూటింగ్ ఇంకా పూర్తి కాకముందే ‘శ్రీమంతుడు’కి మంచి బిజినెస్ జరిగినట్లుగా తెలిసింది. ‘శ్రీమంతుడు’ చిత్ర శాటిలైట్ రైట్స్ భారీ రేటుకు అమ్ముడుపోయిన్లుగా తెలిసింది. తాజా సమాచారం ప్రకారం ప్రముఖ జీ తెలుగు ఛానెల్ ‘శ్రీమంతుడు’ శాటిలైట్ రైట్స్ ను దాదాపు 10.5 కోట్లకు కొనుగోలు సొంతం చేసుకున్నట్లుగా తెలిసింది.

‘శ్రీమంతుడు’ షూటింగ్ పూర్తి కాకుండానే, ఫస్ట్ లుక్, టైటిల్ లోగో, ట్రైలర్ లు ఏం విడుదలవ్వక ముందే ఈ రేంజులో బిజినెస్ జరగడం ఇదే తొలిసారి కావచ్చు. గతంలో మహేష్ కు వరుసగా ఫ్లాపులు వచ్చినా కూడా క్రేజ్ మాత్రం తగ్గట్లేదు. పైగా కొరటాల శివ తన మొదటి సినిమా ‘మిర్చి’తో భారీ క్రేజ్ ను దక్కించుకున్నాడు.

దీంతో శ్రీమంతుడు’ చిత్రంపై అంచనాలు భారీగా పెరిగిపోయాయి. ఈ చిత్ర ఫస్ట్ లుక్ ను ఈనెల 31న సూపర్ స్టార్ కృష్ణ పుట్టినరోజు సంధర్భంగా విడుదల చేయనున్నారు. ఇందులో ఇందులో జగపతి బాబు, సుకన్య, రాహుల్ రవీంద్రన్ కీలక పాత్రలలో నటిస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.