వాయిదా పడ్డ సంపూ సింగం123 విడుదల

Posted: 05/26/2015 10:10 AM IST

సంపూర్ణేష్ బాబు హీరోగా నటిస్తున్న తాజా చిత్రం ‘సింగం123’. ఈ చిత్రానికి అక్షత్ అజయ్ శర్మ దర్శకత్వం వహిస్తున్నాడు. కలెక్షన్ కింగ్ డా.మోహన్ బాబు సమర్పణలో 24 ఫ్రేమ్స్ ఫ్యాక్టరీ బ్యానర్ పై మంచు విష్ణు నిర్మిస్తున్నాడు. కేవలం నిర్మాతగానే కాకుండా కథ, స్ర్కీన్ ప్లేను కూడా మంచు విష్ణు అందిస్తున్నాడు.

ఈ చిత్రాన్ని ముందుగా ఈనెల 29న విడుదల చేయాలని అనుకున్నారు. కానీ 29న ‘పండగచేస్కో’, ‘రాక్షసుడు’ వంటి భఢా చిత్రాలు విడుదలవుతుండటంతో ‘సింగం123’ను వాయిదా వేసినట్లుగా తెలిసింది. ‘సింగం123’ చిత్రాన్ని జూన్ 5న విడుదల చేయడానికి సన్నాహాలు చేస్తున్నారు. త్వరలోనే అధికారికంగా ప్రకటించనున్నారు.

ఇప్పటికే విడుదలైన పోస్టర్లు, ట్రైలర్లకు భారీ స్పందన వస్తోంది. ఇందులో సంపూ చెప్పిన డైలాగులకు భారీగా క్రేజ్ వస్తోంది. యూట్యూబ్ లో ఈ చిత్ర ట్రైలర్ దుమ్మురేపుతోంది. సంపూ ఈ సినిమాలో పవర్ ఫుల్ పోలీస్ ఆఫీసర్ పాత్రలో నటిస్తున్నాడు. ఈ చిత్రం త్వరలోనే ప్రేక్షకుల ముందుకు రానుంది.