కమల్ తూంగావనం ఫస్ట్ లుక్ విడుదల తేది

Posted: 05/21/2015 04:57 PM IST

‘ఉత్తమ విలన్’ తర్వాత కమల్ హాసన్ హీరోగా రాజేష్ దర్శకుడిగా పరిచయమవుతున్న తాజా చిత్రం ‘తూంగావనం’. తెలుగు, తమిళ భాషలలో ఏకకాలంలో ఈ చిత్రం రూపొందనుంది. గిబ్రాన్ సంగీతం అందిస్తున్నాడు. రాజ్‌కమల్ ఇంటర్నేషనల్ పతాకంపై కమల్ ఈ చిత్రాన్ని నిర్మించనున్నారు.

ఈ చిత్ర షూటింగ్ మే 25న హైదరాబాద్ లో ప్రారంభం కానుంది. తాజాగా ఈ చిత్రానికి సంబంధించి కమల్ పై ఓ ఫోటో షూట్ నిర్వహించినట్లుగా చెన్నై సినీవర్గాల సమాచారం. ఈ చిత్ర షూటింగ్ ప్రారంభంరోజునే ఈ చిత్ర ఫస్ట్ లుక్ ను విడుదల చేయడానికి చిత్ర యూనిట్ సన్నాహాలు చేస్తున్నారు.

ఈ చిత్ర షూటింగ్ ను నలభై రోజుల పాటు హైదరాబాద్ లోనూ, మరో నలభై రోజుల పాటు చెన్నైలో జరుపనున్నారు. ఇందులో కమల్ సరసన ముగ్గురు భామలు నటించనున్నారని తెలిసింది. త్రిష, మనీషా కొయిరాలా, అనైక లు కథానాయికలుగా నటించనున్నారు. కమల్ ఇందులో పవర్ ఫుల్ పోలీస్ ఆఫీసర్ పాత్రలో కనిపించనున్నాడు. యాక్షన్ థ్రిల్లర్ గా రూపొందనున్న ఈ చిత్రంలో ప్రకాశ్ రాజ్ ఓ కీలక పాత్రలో నటించనున్నాడు.