ఏప్రిల్ 18న వర్మ 365 Days ఆడియో విడుదల

Posted: 04/17/2015 10:37 AM IST

రాంగోపాల్ వర్మ దర్శకత్వంలో నందు, అనైక హీరోహీరోయిన్లుగా నటిస్తున్న తాజా రొమాంటిక్ చిత్రం ‘365 డేస్’. ఈ చిత్ర ట్రైలర్ ను ఇటీవలే విడుదల చేసారు. ఇందులో నందు, అనైకల హాట్ రొమాన్స్ పిచ్చెక్కిస్తోంది. నిజ జీవితంలో ప్రేమించి పెళ్లి చేసుకున్న వారి జీవితాలు పెళ్లికి ముందు, పెళ్లి తర్వాత ఎలా వుంటున్నాయో వర్మ ‘365 డేస్’ సినిమా ద్వారా చూపించనున్నాడు.

తాజా సమాచారం ప్రకారం ఈ చిత్ర ఆడియో విడుదలను ఈనెల 18న జరుపనున్నట్లుగా తెలిసింది. శ్రీ నాగవత్సవ సంగీతం అందిస్తున్న పాటల టీజర్లు ఇటీవలే విడుదలయ్యాయి. ఇందులో భారీ రొమాంటిక్ సన్నీవేశాలున్నాయని తెలుస్తోంది. రొమాంటిక్ లవ్ స్టోరీ చిత్రంగా తెరకెక్కుతున్న ఈ సినిమా త్వరలోనే ప్రేక్షకుల ముందుకు రానుంది. మరి ‘365 డేస్’ చిత్రం ఎలాంటి విజయం సాధించనుందో త్వరలోనే తెలియనుంది.